豆豉鯪魚炒油麥菜 + 蕃茄薯仔粟米瘦肉湯 ( 14-DEC-2015 )

( 14-DEC-2015  MON )

尋晚 11 點半瞓啦   但點碌都瞓唔着   唔知係咪飲咗肉汁呢    因為醫師話北芪當參係提神   但里奧大人都有飲啦   佢又瞓到   同埋我試過夜晚 8 點飲   果晚都瞓到架噃 ~~

唉   咁我出廳打機啦   因為唔敢睇飲食男女   驚餓呀   因為真係無啦啦好餓   但唔想食完又要再刷牙   我忍 ~~~~

打到 2 點就開始想瞓喇   所以即入房瞓呢   今朝起身勁攰   仲要今日係星期一添 @@

真係好餓   所以要食芝蛋治呀 ~

菇場忙呀   不過我真係要慢慢做   我覺得完全唔係狀態 ~

Lunch 出去睇中醫   同醫師講話瞓得唔好   佢話開 d 藥坊會苦 d   我話無問題啦   最緊要瞓得好囉   睇完就去食埋   番到菇場已經 1 點 45 分   勁驚 ~

蝴蝶腩銀針粉

番到菇場繼續慢做   因為真係唔想出錯呢 ~

今晚唔探媽咪喇   唔想自己咁激氣   咁放工即去拎中藥   因為要翻渣煲   所以今晚要飲 2 杯   嗚 ~

番到屋企預備好 d 湯   之後就拖地   諗住抖陣   但里奧大人 7 點打黎話放工   我又要煮飯 lu ~ 

是日晚餐 - 豆豉鯪魚炒油麥菜 + 蕃茄薯仔粟米瘦肉湯

豆豉鯪魚炒油麥菜 - 上星期里奧大人去食 lunch 叫咗過豆豉鯪魚雞絲炒油麥菜   點知佢話食到底都係菜   同埋只係得 d 豆豉鯪魚碎   又無味   咁我即刻話我會再整比佢食   最緊要呢個菜係零難度同埋夠惹味   如果唔係我唔會講得咁口響呢   哈哈 ~      

蕃茄薯仔粟米瘦肉湯 - 呢排無湯水   所以點都要滾湯比里奧大人飲   我覺得點都要有 d 湯水囉 ~ 

洗完碗就打比家姐問媽咪有無嘢   佢話無嘢   話精神過佢添呀   哈哈   咁我都安樂 d ~          

開埋機洗衫   抖陣又去徑步喇   今晚徑 25 分鐘算喇   因為趕住番屋企飲埋杯中藥呢 ~

沖埋涼就抖喇   真係好攰   同埋今晚 11 點難得有睡意   所以即瞓喇 ~