我坐細表妹隔離 佢話唔食乳豬 我問點解 原來佢唔食皮 同埋只想食肉 咁就啱喇
我叫佢比埋 d 皮比我 咁之後食炸子雞啦 佢又問我食唔食皮 我話只係乳豬皮同燒肉皮
咁我唔食乳鴿嘛 最細表妹食食下好驚咁問我係咪想食 d 皮呀 ?! 我話係咪玩嘢呀 咪講咗乳豬皮同燒肉皮囉 哈哈
壽包當然唔小得啦 其實佢地叫咗個餐 再加多 8 隻乳鴿同干燒伊麵 不過乳豬全體 大蝦伊麵 干燒伊麵同楊洲炒飯都無影 已經遲開飯 唔好阻住啦 之後佢地後勁不繼 開始慢食 我先影咋 呵
( 16-DEC-2015 WED )
今朝里奧大人上大陸 佢起身之後 我都醒醒地咁 再望下鐘都只係 6 點 50 分 但點都要瞓下囉 但其實我都係郁黎郁去 終於 7 點半鬧鐘響先起身 咁搞法早攰 嘩哈哈哈哈 ~
早餐食熱狗 食到無嘢想食 同埋呢幾日朝早好似無咩胃口 唔係咁想食嘢 但唔食又唔得 又無理由就咁飲杯奶茶家嘛 勁壞胃囉 ~
食食下見到 8 卦黎咗 之後我收到 whatsapp 話幫佢叫早餐 仲以為佢玩嘢 因為都黎咗啦 仲要我幫佢叫咩 但其實個訊息時間喺 5 分鐘之前 但係真係收唔到喎 奇怪 ~
咁傾下計啦 咁又玩緊 line 所以講嘢講到亂哂 明明想講用叉食通粉 點知講咗用通粉食叉 笑到佢痴呀 哈哈 我都覺好搞笑 但講嘅時候好順口架噃 ~~~~
菇場忙呀 d 嘢終於清咗 9 成 勁開心 唔駛成日心掛掛 ~
Lunch 出去一田買石斛 再買埋蜜棗同杞子 之後就買酸辣米線番菇場食喇 ~
$580/兩 買二送一
蜜棗 $25 / 杞子 $32 做埋 member 好似正價有 9 折
忙下又停一陣 之後又忙到放工 lu ~
今晚去紅磡呀 同埋阿姨舅父老表佢地慶祝婆婆生日 去到巴士站即有 5C 所有 6 點唔夠已經到紅磡 但我約咗剪髮表妹 6 點半喺紅磡等 咁自己周圍行下囉 ~
之後見到營多 Market 又走入去睇下嘢 又買下 d 醬料咁囉 話咁快又過咗半個鐘 呵 ~
NANG FAH 香酥紅蔥片 ( $18 )
ABC 甜醬油 ( $9/2支 ) 送支比家姐工人同媽咪工人
山竹牌肯德基香脆炸粉 ( $5 )
山竹牌 Redang 巴東醬料 ( $9/2包 )
田師傅馬來道地咖哩雞料 ( $29.9/2包 )
剪髮表妹 6 點 40 分都未到 原來佢喺銅鑼灣塞車 不過佢過多 10 分鐘都到 lu ~
仲以為得佢一個 點知見到姨丈舅父同大食表妹一齊黎 唔通黎接我地 ?!?!?! 驚 唔駛咁多人呀嘛 @@
我完全唔熟紅磡漁人碼頭果邊架 剪髮表妹又係唔識 仲話 whatsapp 個地圖比我睇 我話客氣喇 我唔識睇呢 哈哈 ~
去到酒樓 個個問家姐 喺邊喺邊 全程只聽到有人問家姐喺邊喺邊 喺邊喺邊 喺邊喺邊 丫 人都顛 食餐飯 唔駛咁囉 @@
我同佢地講話家姐叫佢地食先 估唔到細舅母真係想起菜 真係咁心急 ?!?!
不過原來最細表妹又未到 所以話等埋先喎 ~
咁家姐一出隧道就打比我 我同剪髮表妹一齊出去接去 過馬路嘅時候見到最細表妹 捉埋佢一齊去接家姐 咁樣就唔覺家姐一個遲到 嘩哈哈哈哈 ~
最細表妹都話婆婆好心急 約佢朝早 8 點飲茶 佢 7 點 15 分已經打比佢 問佢起身未 最細表妹又係好錫婆婆 話本來想約 8 點半飲茶 但驚婆婆肚餓 所以寧願早 d 起身 約佢 8 點飲茶囉 ~
食到 9 點左右就走喇 剪髮表妹問我去唔去飲唔飲嘢 我話唔啦 好攰 想番屋企呀 之後我同家姐同埋最細表妹一齊行出去搭車 ~
頭先舅母媽咪話佢朝朝沖凍水涼 就算好凍天氣 沖完熱水都會沖番個凍水 我聽見都凍 我怕熱 但就算天氣點熱 朝早最多都係沖暖水 凍水一定唔會 ~
我細細過都知舅母媽咪食好多騎呢怪嘢 媽咪見過佢捉一隻四腳蛇定"嚴"蛇 就咁生吞落肚 同埋舅父話佢煲香腸湯 又會執街邊嘅蝸牛黎煲湯 所以我舅父勁驚飲佢 d 湯呢 ~
最搞笑係最細表妹都記得佢食 d 怪嘢 之後佢問做咩無黎 ?!?! 嚇啦 明明坐喺家姐隔離家嘛 不過可能家姐成日同剪髮表妹傾計 阻住咗佢方向 望唔到舅母媽咪呢 真係笑到我地死死下 好似講到我同家姐見到果 d 嘢咁 嘩哈哈哈哈 ~
一番到屋企就見到里奧大人食木瓜 又問我食唔食 但今晚我食喇 因為無咩食菜 食完就即沖涼 好鬼攰呀 ~
個里奧大人依家淘寶淘上癮 咁又係嘅 用我張八達通比錢 仲唔有仇報仇咩 無啦啦淘過卡片套 見佢今晚好細心咁分類 d 卡 我話你成本嘢都用唔哂架啦 你用前面 我用後面 唔好嘥咗 嘩哈哈哈哈 咩都要霸埋一份 呵 ~~~~~~~~~~
之後淘寶買架 好似 RMB17/個 勁抵呀 所以買個莎莉比家姐 今日晏晝再去番一田買石斛 個 sales 問我尋日係咪黎過 我話係 之後佢話再見我拎個電話 就肯定記得我尋日黎過呀 搞笑
11 點半即瞓 好鬼凍呀 但唔想拎羽絨被 所以就舖張珊瑚絨毯喺床上面 當堂暖笠笠呢 ~
沒有留言:
發佈留言