茄汁豬扒 + 娃娃菜 ( 18-DEC-2015 )

( 18-DEC-2015  FRI )

又星期五喇   今日好開心   因為聽日係難得每月一 off   呵呵 ~

早餐食芝腿治   呢排唔知做咩   食到一半已經好飽   但又唔想拎走   所以成日都食唔哂 d 麵包   只食 d 餡   其實連 d 餡都唔想食   但就更加唔想拎走   凍咗嘅多士好難食呢 ~

菇場唔太忙   可以做下自己嘢 ~

Lunch 出去食粥   之後行個大運就番菇場喇   家姐頭先 whatsapp 我食咩   無啦啦問呢 d 開場白   我問佢咩料   係咪有嘢想買   佢話喺 bank 排緊隊   突然間諗起我喎   之後到我番到菇場   佢又打比我   話同事鍾意食 Poifull 糖   叫我幫佢買 2 pack   我咪話囉   頭先先去果間舖頭買嘢   一早講嘛   可以順便買埋   唔駛我心掛掛 ~

好嘢   今日唔太忙   心情真係唔同 d 架   放工都放得開心 d 咁呢 ~

今晚要燉湯   唔想去街市咁遠   所以去 Taste 買豬扒同菜   之後就番屋企 lu ~ 

燉好湯又浸好 d 菜就熨 1 機衫   里奧大人 7 點打黎話放工   咁我都要預備煮飯喇   今晚要煎嘢   要 d 時間呢 ~       

是日晚餐 - 茄汁豬扒 + 娃娃菜  

茄汁豬扒 - 好有煎香 d 豬扒架   最開心係清埋哂支茄汁   今晚煮辛辣麵   里奧大人話嘥哂 d 汁   其實我都覺架   但今晚我唔想食飯   個腦又記住要煮麵喎 ~

娃娃菜 - 我都幾鍾意食娃娃菜   甜甜地又爽爽地咁 ~

搞掂哂就同里奧大人去買 Poifull 糖同萬寧買 mask   咁叫里奧大人送 mask 比我   因為我唔想拎銀包出來   因為隻食指位濕痕   一郁就爆同流血嘛   點知里奧大人無帶卡   佢個樣衰笑得勁開心呀   可以慳番 ~

我同事介紹架   喺日本買係 HK$105   依家萬寧 $148有75 折   即係 $111   都差唔多   所以即買  

番到屋企飲埋燉湯   之後沖涼   hea 到 11 點幾都瞓 lu ~   

今晚喺 Taste 買咗 Nivea 嘅 cream ( $29.9 )   因為覺得好抵   同埋無咩香味   搽嘅時候好立痴痴咁   但之後又無立喎   唔錯唔錯