薄切午餐肉 ( 21-DEC-2015 )

( 21-DEC-2015  MON )

嘩   個天氣又暖暖地   又濕濕地   勁回南天呀   救命 ~

之前勁乾燥   濕度得 30%   依家濕度就 91%   又要狂抽濕   人都顛   哈哈 ~

早餐食芝蛋治   又食唔哂 d 麵包添 ~

菇場忙呀   差唔多清哂之前 d 嘢   實在太開心喇 ~

Lunch 出去一田買麵粉   因為今日有 95折   之後再行多陣先買腸粉燒賣番菇場食   突然好想食腸粉呀 ~

LAU 意式脆包粉 ( 已含酵母 ) ( $56.9 ) - 想整拖鞋包好耐喇   終於見到呢盒麵粉   咁啱上次有個女人就睇另一盒薄餅粉   我問佢呢隻粉好唔好   佢話好呀   澳洲出嘅   Citysuper 都有得買   咁我順便買多盒金冠牌乾依士 ( $9.5 )   希望用得哂啦   哈  

忙下停下又放工   今晚唔駛去街市買餸   直接番屋企就最正   感覺好似真係可以抖咁   哈 ~

番到屋企就熨衫   里奧大人 7 點打黎   我話放工喇   佢好輕佻話咁都知 ?!   我話佢用親手提打黎就一定係放咗工啦   痴鬼線   阻住我熨衫   哈哈 ~

今晚煮辛辣麵   因為想食雜豆   咁湯麵好 d   干撈加雜豆好似好怪咁 ~    

是日懶餐 - 薄切午餐肉  

薄切午餐肉 - 原來 2 罐細午餐肉已經過咗期   好在過咗一個星期   所以清埋佢啦   里奧大人鍾意薄切   我話佢零舍麻煩   明明一開三就得   依家要一開六   時候都用多咗啦 ~

食完抖陣   開埋機洗衫就落去徑步   今晚又午餐肉又辛辣麵太 heavy 喇   真係要做下運動囉 ~

徑咗半個鐘   里奧大人無啦啦話去商場兜一個圈   原來想食雪糕   條友話頭先辛辣麵太辣   依家要食番 d 甜嘢   佢啦   自己懶勁落哂成包辣粉   我都係大半包咋 ~

番到屋企即沖涼   之後即撐艇喇   因為呢兩晚條腰好痛呢 ~

勁眼瞓呀   不過里奧大人又電視   咁我又睇雜誌陪佢啦   所以成 11 點半先瞓呀 ~~~~