譚仔 (三哥) 雲南米線 @ 九龍灣 ( 24-DEC-2015 )

我嘅海底椰明珠 ( $29 ) - 超級勁難食   可能因為得大西米同海底椰啦   食到我反胃   我仲以為會有 d 生果伴下添   原因無嘅

里奧大人嘅生磨芝麻糊 ( $21 ) - 好甜  

朋友嘅椰汁渣咋 ( $19 )   另外仲有碗芝麻糊紅豆沙   

( 24-DEC-2015  THU )

呵呵   番埋今日就連放 4 日   真係超勁開心呢 ~

今朝早 10 分鐘起身   所以我又要食米粉餐   咁可以慢慢食坐耐 d ~

嘩哈哈   菇場唔忙   可以清哂之前 d filing   實在太好喇   最驚堆住哂 d 嘢 ~

Lunch time 出去行陣   之後買埋吞拿魚包同菠蘿包就番菇場喇 ~

九萬幾人放 1 點   實在太羨慕啦   所以我無 mood 做嘢係絕對正常   哈哈 ~

放工去媽咪屋企坐陣先   之後里奧大人一放工   我就走喇 ~

去完譚仔食嘢就番教會喇   今晚 8 點有報導會   咁里奧大人朋友同男友又黎埋   所以要早 d 去攞定位   咁就唔駛分開咗呢 ~

差唔多 9 點 45 分完畢   之後一齊食糖水   我初初話唔去架   因為諗住里奧大人同朋友可以傾下計   估唔到佢男友又話黎   咁我都去埋啦   如果就咁得里奧大人一個去又好怪咁   哈哈 ~

食下傾下   原來佢地都鍾意行山   佢男友仲問我地係邊隊行山隊   嘩哈哈   我話我地行家樂徑果 d 咋   之後佢話佢係毅行者   勁呀   咁即係我一定唔會同佢行山啦   哈 ~

衰里奧大人又周圍唱我行得慢   又驚上斜又依樣果樣   真係無樣好嘢講出來 @@ 

之後我地話行山會影下相   唔係齋行架噃   佢朋友話咁唔會等我地喎   呵   呢 d 嘢真係要一早講明   我唔可以一次過行架   我要慢慢行下抖下   咁先 relax 家嘛 ~

食完要即走喇   佢地有下場   我地都番屋企喇   好攰 ~

沖埋涼   12 點幾先瞓呀 ~