麻酸樂米線專門店 @ 九龍灣 ( 25-DEC-2015 )

麻辣一品雞煲二人餐 特式拚盤 ( $148 )

呢個係特式拚盤   有爽脆豬潤  / 手打肉丸 / 順德魚腐 / 墨魚丸 / 雪場蟹捧 / 百葉結 / 金菇 / 蕃茄 / 珍珠雲耳 / 芽菜 / 腐竹 / 唐生菜 / 米線   估唔到都有幾多嘢呢  

( 25-DEC-2015  FRI )

今朝想去活力食五香肉丁麵   點知無位   咁轉去海景啦   唔想行番轉頭去太興呀 ~

Plan 好今日行山   不過落毛毛雨   所有唔行 lu ~

難得連放幾日   所以買飛睇戲   睇今晚 10 點 35 分嘅 Star War   即係今晚起碼 1 點半先瞓 ~

番到屋企抖陣   我話近近地出旺角行下啦   出到去都 1 點   第一時間去十蚊店   其實依家係叫 Living Plaza   不過慣咗叫十蚊店囉   依家最平已經係 $12 啦   所以一覺得有 9 折就好抵   咁我要買茶葉袋同襪   咁可以買多 d   反正都要用嘛   難得有 9 折   呵 ~

買咗 45 個裝同 100 個裝嘅   分 d 比里奧大人同家姐

$20/對   買比媽咪架   佢話着咗暖笠笠好舒服

買咗 4 張 placemat   唔知點解好鍾意買 placemat   哈

買完就去行朗豪坊   因為我見到 line 公仔呀   咁經過 GAP   又入去睇下   諗住買完件乾濕褸就走   減咗價只係 $449   之後 cashier 話買 3 件有 6 折   話抵好多   咁我再睇下啦   之後買多件冷外套 ( $378 )   里奧大人就買咗件長袖裇衫 ( $278 )   total $1,105   折咗之後只係 $663   咁又真係好抵   即係比多二百幾蚊買 2 件衫   好在 cashier 講咋   因為我無睇到話做 promotion 呀 ~

等我呀下 

買完即過對面朗豪坊影 line 公仔   上埋露天廣場影完相之後都即走喇   實在太焗呢   其實我一入商場已經焗到好眼瞓   所以基本上我真係好驚冬天行商場   真係越行越眼瞓呢 ~ 

成條街都係 LINE 人物

其實我接受唔到自己喺香港企喺條街影相   哈哈   但反正都影到人   我叫里奧大人影我啦  

好鍾意個摩天輪   因為齊哂 d 人物呢  

里奧大人影到呢張真係好難得   因為企喺熊大前面影相   係要排隊架  

我都鍾意莎莉架   里奧大人話因為佢係黃色   但我鍾意佢係因為無乜表情   又細細粒  

部長都鍾意架   因為佢夠哂樣衰   呵  

要排隊影架   真係完全無諗過   自己幾十歲人走去排隊等影相   唔係因為同最愛一齊坐低影相   我一定唔會咁啦   嘩哈哈哈哈   唔係幾十對眼望住   我堅想同佢做埋同一動作囉   哈哈  

里奧大人擺埋我部電話上去   我勁驚人地真係以為係裝飾走去摸呀   哈  

隻青蛙好似比人迫咗出黎咁   好搞笑 

開始有 d 餓喇   原來已經 3 點   係時候要食嘢   食完就坐小巴番屋企喇 ~

想叫 H 餐挪威煙   哈哈

魚柳漢堡+薯條 ( $52 ) - 呢個係下午茶餐   3 點先開始   呵     

香草茄醬燒豬肋骨配意粉 ( $48 ) - 呢個係午餐   個意粉係炒過嘅   又幾好噃      

熱檸茶 / 凍奶茶 ( +$3 ) - 奶茶好飲喎   唔澀口

里奧大人番到屋企即入房瞓   我就睇雜誌   差唔多 6 點半就出去食嘢喇 ~

食完行陣商場就番屋企抖   里奧大人要做公司嘢   我又係睇下雜誌   眨下眼又 10 點半   要即落樓睇戲喇 ~

我話唔食爆谷嘛   因為次次食一大兜真係好辛苦   之後里奧大人無啦啦又話想食   見佢咁難得想食   咁就買中 size 啦   因為細唔抵   但大又食唔哂   哈 ~

睇到 12 點 45 分就散場   勁鬼攰呀   沖埋涼又整 lee 整 lu   差唔多 2 點先瞓呀 @@