城門水塘 + 利濠海鮮坊 @ 荃灣 ( 27-DEC-2015 )

蒜蓉蒸貴花蚌 - 好爽口呀   我好愛蒜蓉架   但粉絲就唔咁食咁多   好脹胃

豉椒炒蜆 ( 加辣 ) - 呢個麻麻地   無咩味咁   同埋一 d 都唔辣

椒鹽瀨尿蝦 - 好彈牙呀   好味道   

瑤柱蛋白炒飯 - 炒得好乾身   都係好好味  

避風塘炒蟹 - 我問阿喂 d 乾辣椒辣唔辣   佢話夠薑就食 1 隻   點先 ?!   唔答我仲要大我   真係人善被人欺   嗚嗚 ~~~~

阿喂大佬話加埋 d 避風塘料會好好食   信佢啦   哈哈   唔係又話我架喇 @@    

炸大腸 - 我覺得唔好食   唔脆同埋好多肥膏

蜆芥鯪魚球 - 完全都唔記得有無食過   呢晚太 high 喇   嘩哈哈哈哈

啫啫芥蘭煲 ( 走肉 ) - 阿表一見到碟菜   就同里奧大人講話 " 你最鍾意食嘅菜 "   嘩哈哈哈哈   笑死我   佢呢句真係好爆呀   同埋佢個表情同語氣好得意   好似戰戰兢兢咁   哈哈   驚咩喎   有我喺度   佢一話妳   我即係叫佢表演食哂碟菜   你成日咁鍾意食丫嘛   哈哈     

狗爪螺 - 唔知老闆定邊個送比我地食架   好似係個客喺長洲買番黎   今晚實在太開心   所以其實好多嘢   講完都唔記得   哈哈  

好似阿 mi 話係數目字 9 喎   我話成隻爪咁   點會係 9 呀   佢真係 9 唔搭 8 就真啦   之後阿奧即刻上網查   真係叫狗爪螺呀   其實隻狗爪殼嘅質地好鞋   我覺得好似摸緊蜥蜴咁        

呢 pat 太多爪   有 d 恐怖

阿喂講咗有 5-6 次好鹹鮮好鹹鮮好鹹鮮   之後佢仲用牙簽了出黎食   但其實一咬就咬到出黎囉   佢可能以為自己食緊東風螺都未定   無辦法啦   幾支大啤落肚   呵呵呵

小炒皇 - 我覺得份量好巨   最後都食唔哂   衰 mi 又唔拎番屋企   呵

今日咁有紀念性   所以一定要訂蛋糕   人地唔知   以為我地失散咗幾十年   今日終於見番   哈哈   但今次嘅世紀相聚真係好開心好開心好開心呢  

希望快 d 可以再聚一聚呢  

小寶最想快 d 食   哈哈  

餅底係朱古力脆脆   其實都幾好味   不過我唔太鍾意食蛋糕呢   阿表小寶食得哂   我同阿 mi 同小奧就食剩 d cream   阿喂就食剩大半件   我地已經分咗 2 件比食店架喇   如果唔係會食剩更多呢

其中貴花蚌 / 賴尿蝦 / 蟹都係喺街市買再比食店加工 

( 27-DEC-2015  SUN )

今朝 8 點半起身   即刻刷牙沖涼出門口喇 ~

仍然天陰陰   最緊要唔好落雨就得喇   但咁嘅天氣   我我覺得好攰   個人狀態唔係咁好咁囉 ~

搭地鐵由九龍灣去去荃灣   今日只係 $3.3 咋   抵到爆 ~   

約咗表表 小寶同 me 笠 阿喂 10 點喺荃灣海港飲茶   我同里奧大人講一定唔可以遲到   因為我次次約 mi 笠都遲到   但我要去買杯鴛鴦先去酒樓  好在 9 點 58 分到咗酒樓   終於唔駛遲到喇   呵呵   表表佢地就 10 點 15 分左右到 ~   

呢日係我最最最最期待嘅一日   因為我地 6 個人終於合體喇   嘩哈哈哈哈 ~

一齊食下傾下影下   真係好鬼開心   但突然間覺得阿表小寶好靜   唔知係咪我同 mi 太多嘢講   佢地插唔到咀呢   哈哈 ~

鬼手 ~~~~

我覺得自己真係細食咗   同埋又有 d 眼瞓   所以無胃口   之後食剩 d 點心   mi 笠話邊個叫邊個食   好記得剩番件糯米卷   我即刻話係阿喂叫 ( 其實我亂嗡 )   之後阿喂話我做其他嘢又唔見咁快喎   嘩哈哈哈哈      

呢間海港環境真係好唔得   一入去已經覺得好污糟咁   之後 mi 直頭叫我地唔好去洗手間添呀   唉   阿奧話呢間海港係我揀   但將中同新都城呢兩間好光猛同乾淨架喎   無諗個荃灣呢間係咁囉   下次都係跟地膽搵食算喇 ~   

去埋商場入面嘅洗手間   再轉過靚彎就到小巴站喇 ~

排隊又傾下咁啦   我成個背囊係零食   所以拎銀包電話好麻煩   因為我唔想整碎 d 薯片嘛   點知我拎完銀包出黎   完全無留意趺咗個電話喺地下   好在 mi 見到幫我執番咋   唔係就大鑊了   一定比里奧大人鬧死呀 ~  

差唔多 12 點 20 分上車   20 分鐘後到城門水塘 lu ~

個天灰灰暗暗   不過就無影響到心情   因為好難得 6 個人一齊行山呀 ~

好   放完水就起程喇   行下影下   停下傾下抖下   我最鍾意咁   哈哈 ~

今日唔算好多人   可能天氣唔太好   同埋又聖誕假   好多人都去旅行呢 ~

有時我同mi 行  小寶阿表行   阿喂阿奧一齊行   之後就 mi 同表   我同小寶行咁   所以我覺得我地 d 嘢好似講完又講咁    嘩哈哈哈哈   不過我覺得阿表同小寶應該最慘   我地每人問一次   佢地就要答足 4 次   同埋實在太多嘢傾   真係唔記得講過 d 咩咁囉 ~

1230 開始行喇 ~~~~

仍然灰灰暗暗    

有唔小狗狗散步

無咩紅葉

好多枯葉

今朝落咗場雨啦      

各自影呀影 

阿喂無咩點影相   所以我覺得佢好似領隊咁睇實我地   哈哈   不過我都無咩點影相   行過幾次   真係無咩想影   哈哈

跟住阿喂領隊上山  

睇佢地嘅背影   都覺得佢地好開心呢  

咩都影下咁啦

呢張好笑   其實 6 個人圍住影係好辛苦架   因為好易趺架   同埋個個一定係頭 dup dup 唔可以笑   一笑就會成團人震哂   最慘係好似比成道熱氣圍住咁   衰 mi 仲話要做個花型   真係好難度高啦   我地又忍唔住笑喎   所以影完呢張相之後   覺得好鬼熱呀   哈  

阿 mi 執架   我拎到落山呢   諗住插落蛋糕度   之後果件就比佢食   

保護色  

又周圍影

葉不離手

如果天清幾咁好呢 ~~~~~~~~~~~~   

差唔多 2 點   又 break 下先 

呢度好乾旱咁 

沿途都有唔小馬騮出沒  

呀里奧大人   我地唔吸引嗎 ?!?!   居然影葉唔影人 @@

隻馬騮 d 眼神好慘咁   真心覺得佢地好可憐 ~~~~~~~~

估唔到都有唔小馬騮出沒   咁我地要食下零食嘛   大佬   有膠袋聲啊   d 馬騮實出黎   所以我地食嘅時候   阿奧同阿喂就拎起支行山杖   有馬騮過黎就嚇佢地呢   實在太 man 喇 ~

差唔多 3 點又 break   食下薯片同朱古力榛子餅   因為我想佢地快 d 食哂 d 零食   我背囊唔駛咁重   呵  

有隻大牛牛向住我同 mi & 表表方向行過黎   mi 叫我地走開   唔好跟住佢   因為隻牛見到佢食緊生果   但阿喂話因為我頭先食咗牛肉呀   所以跟住我呢 @@

本來我地想坐呢張枱架   不過比馬騮霸佔咗   同埋佢地有 d 嘢做緊   哈哈  

真係完全唔覺有隻馬騮喺度囉   差唔多色咁  

其實一見人多   就會有好多馬騮出現架喇   因為知道有嘢食   小寶最搞笑   全程緊緊捉實包薯片   表表又驚馬騮   佢地真係全程都係緊張狀態   哈哈        

好多蘋果仔     

好喇   又食下生果   mi 買咗人參果同蓮霧   食完當堂無咁口渴   但我覺得阿喂唔多食嘢咁   原來佢唔鍾意食零食   不過無計啦   我要抖下嘛   呵呵 ~

我最驚上斜   我覺得好辛苦   但落斜又驚架喎   因為傷膝頭哥家嘛   點知阿喂反應好快話上斜又驚落斜又驚   即係想點呀 ?!   車   咁係丫嘛   之後阿奧又乘機話我驚依樣驚果樣 @@

多謝呢包薯片   令小寶可以健步如飛   上斜連行山仗都唔駛用   同領隊 part 住上呢 ~~~~

差唔多 3 點 45 分就上到個亭   咁又 break 下食下生果啦   我覺得超勁熱呀   成頭成臉汗呀   勁想番屋企沖涼呀   但最奇怪係佢地又無汗架喎   只係話熱   呵呵 ~

成身濕哂勁難頂   可能我着毛毛 boot   所以更加覺得熱囉         

繼續行

又停低影下   抖下 ~~~~

今次行入小小影先  

領隊終於唔繞埋對手喇   yeah ~~~~~~~~

無諗過落雨天都咁多馬騮出沒

馬騮 BB 好得意

差唔多 5 點行到燒烤場尾段   突然聽到好大嘅雨聲   嚇到我地即跑呀   勁大雨呀   好在有個地方係有瓦遮頭   同埋我地個個都有遮   所以等 d 雨細 d   我地都要走喇   因為 book 咗 6 點食飯呀 ~

估唔到要等 3 班車   仲諗住等好耐   點知見到有 3 架小巴上哂黎   我地好快就落到千色店呢 ~

一齊行去拎蛋糕   之後就去食店喇   阿喂阿mi同阿表就去街市買海鮮   我地就陪住小寶   呵呵 ~

阿喂之前已經問我地鍾意食 d 咩海鮮架喇   咁頭先行山都再問多次   佢問我地食唔食鱔   我話唔食   佢就話咁都唔食   要大家一齊食先開心   呢餐飯真係好多謝阿喂同阿笠咁有我心   又記得我話過想食 d 咩   好感動呢 ~~~~~~~~    

食食下   阿奧居然擺阿表個袋喺我隔離   我話咪呀   一陣跌爛部相機就慘喇   咁擺小寶個背囊算啦   咁我唔小心整跌落地   我話好在無相機   之後阿表好認真話有相機喺入面架   我望住阿表呀   因為我果刻真係嚇呆咗   勁驚   因為小寶個背囊雖然細細個但都好重嘛   好在之後阿表話講笑咋   真係比佢嚇死 @@

6 點 20 分開始食   今晚唔覺得早食飯呀   因為好餓   好在個個都話餓   哈哈 ~

阿喂一早已經訂咗隻黑椒豬手   不過佢知道我地尋晚食完   所以即刻取消去呢   真係唔好意恩喇 ~

我地 6 個人   所以大佬喂就兩支兩支大啤咁 order   我 1 杯都未飲完   佢地又黎 2 支   佢地頂我唔順架   話飲暖啤   呵呵   大嫂   又叫我唔好飲凍嘢   人地灘暖又話人   想點喎 ~

我地飲咗 13 支大啤 + 1 支大黑啤   我覺得堅勁呀   所以呢   有兩個都 high high 地   阿 mi 仲無啦啦講國語   差唔多食哂嘅時候   佢無啦啦繞住手好正經咁用國語問小寶好食嗎 ?!   因為我無諗過佢會咁問   果下真係笑到我流眼淚   最慘係我搽咗 mascara   好在係防水咋   唔係真係嚇鬼死人   嘩哈哈 ~

咁我今晚真係好口渴   所以飲多咗   我一話要酒   mi 就同阿喂講話 baby 姐話要酒   我覺得叫 baby 姐好搞笑   好似 d 傻婆名咁   哈哈   之後我好豪氣話乾杯啦   但講完之後就放低隻杯無飲架   阿奧話我好勁呀   居然叫人乾自己可以唔飲   衰 mi 仲衰呀   好肉緊咁話我如果我咁樣喺大陸   即刻死咗呀   叫人乾自己唔乾   我話呢 d 先叫 power 呀   都唔識嘢嘅 ~~~~      

咁阿喂話東寶一支大啤要 $38 好貴   呢度只係 $28   話出面買 1 支都要 $17   咁差唔多啦   我話十一蚊呀   唔小啦   咩差唔多呀   之後佢黎料啦   話賺我 d 錢都好難喎   燈油火立呢 ?! 租呢 ?! 人工呢 ?! 雪柜雪凍呢 ?!   之後阿 mi 又同阿奧講話明明比咗 $30 佢食飯   食咗 $27   咁果三蚊去咗邊 ?!?!?!   咩料呀   痴鬼線   哈哈   講一句嘢啫 ~

10 點半走喇   一齊去酒店拎嘢   因為阿表買咗手信比我地呀 ~

mi 教我喱埋塊窗簾布入面影   阿喂眼神勁不屑   佢一定以為我地玩咩啦   其實係 mi 教我咁影唔會反光之嘛          

去到酒店   阿 mi 居然坐床   無大無細   仲要坐正阿表同小寶中間添   我都係坐擺行李果 dd 位咋 ~  

等埋阿喂幫我地 call 的士   的士一到我地即走喇   阿喂見我拎住一箱嘢   咁話幫我拎啦   之後 mi 話你係都應該幫個老婆拎呢袋啦   真係笑鬼死我   無諗過 mi 反應咁快   呵呵 ~

咁的士已經泊咗喺門口   我地上車啦   我聽到里奧大人話 " 呢袋你架 "   原來阿喂居然比埋佢袋手信我地呀   嘩哈哈   笑死我   但我估阿 mi 番到屋企都唔會發現無咗袋手信囉   因為佢今晚都痴咗   哈哈 ~

一落車   我覺得自己好似喺馬來西亞番香港咁   阿表實在太客氣   送比我嘅手信居然有 3 袋加 1 箱   真係有排食呢   33

番到去   真係咩都唔做即沖涼   但都成 1 點幾先瞓呀   因為心情仍在興奮狀態當中呢 ~