Babymama: 6月 2016

2016年6月30日星期四

太興燒味 @ 九龍灣 ( 30-JUN-2016 )

清蒸沙巴龍躉 ($79)

豉汁雞柳炒涼瓜 ($60) - 雞柳口感極怪唔似食緊雞柳

( 30-JUN-2016 THU )

今朝 10 點起咗身里奧大人之後都醒埋咁家姐又差唔多 10 點半搞掂哂嘢所以同我哋食早餐 ~

家姐好搞笑一坐低就攬住我手臂話好掛住我勁似 Minions 阿 Bob 見到 Buddies 咁呀里奧大人話佢個動作好熟面口我即比家姐睇阿 Bob 點攬住 Buddies 家姐都話似呀哈哈

我哋諗住睇 "天煞:地球反擊戰 2" 咁家姐都話睇所以里奧大人食完就去影藝買飛家姐好開心話好想食爆谷呀無問題啦三個人食無咁辛苦呵呵 ~

我同家姐就番屋企順便比啲手信比佢佢又試下我買啲衫估唔到佢勁鍾意因為佢唔着長Tee 家嘛我買嘅時候我話想買比家姐但里奧大人都話未見過家姐着長 Tee 所以真係好難想像家姐咁鍾意囉咁下次我一定買埋比佢 lu 最搞笑里奧大人買咗 2 件 Tee 家姐着得好睇但里奧大人着上身就有啲窄所以里奧大人順勢比埋家姐但家姐勁驚係男裝 Tee 所以話比姐夫無所謂啦最緊要啱着就得喇 ~

好喇沖涼喇睇 1 點 25 分呀買埋爆谷即入場 lu ~

睇咗 2 個鐘但麻麻哋好睇可能我期望大咗啲啦 ~

一齊食埋下午茶就番屋企拎埋手信家姐有兩大袋手信我話零食嗰袋就星期日拎比佢啦佢自己拎袋衫先明明只係買咗 3 件比佢之後佢要埋我 4 件同埋里奧大人 2 件雖然我都鍾意啲衫但我都一定會比佢嘅難得佢鍾意嘛里奧大人好搞笑㗎次次家姐鍾意我啲嘢佢就叫家姐拎啦拎啦話我實比佢但其他人想要我啲嘢里奧大人就話要問過我先呵呵 ~

試咗喺 Black Canyon 嘅 Brownie 脆脆咃幾好味

家姐 5 點半就番屋企喇咁我都執下嘢 lu 去旅行買嘢真係好鬼開心但買完番黎執嘢就好鬼痛苦 ~

差唔多 7 點就去太興食飯因為想快快趣清哂啲 Coupon 以免夜長夢多之前屋企附近間執咗諗住去德福食原來佢搬咗入去以前 DSC 位置仲要係今日先開張呵呵感恩呢唔駛行咁遠 ~

食完行陣商場就番屋企喇又要執下嘢咁囉 ~

沖埋涼就休息喇 11 點幾都瞓 lu 聽朝 8 點要起身呢 ~

2016年6月29日星期三

泰感動。最谷。泰國。美好回憶記錄 ( JUN 2016 )

今次去曼谷主要係想去散散心雖然心情仲未完全平復但都比之前放鬆好多呢 ~

同里奧大人講咗話去番 d 舊地方因為無咩心機 plan 嘛佢話無所謂最緊要我可以 relax 如果無地方去就去酒店附近按摩 hea 喺酒店都無問題咁其實之前都有其他地方無去過咁今次去下啦當新地方去呵呵 ~

@ Khlong Lat Mayom Floating Market

@ 大皇宮

@ Asiatique

今次感恩可以住番 Marriott Executive Apartment 因為我之前睇係無 package 架咁我本來都揀咗另外幾間酒店嘅但睇咗 d comment 就決定放棄囉一係隔音差一係就洗手間污糟一係就多人我唔想一入到酒店就聽到嘈冤巴閉嘅感覺我會覺得好煩心情一定大受影響呢 ~

仍都好感恩自由行職員非常之好幫我地左夾夾右夾夾所以我地先可以喺呢日出發仲要係得番最後 4 個機位咋咁我同里奧大人都未請假但我話比咗每人 $300 按金 lock 住個機位先囉因為之後再 book 機位要每人加附加費 $1,200 呀唔去蝕 $600 但如果之後想去就變咗加多 $2,400 咁就唔制喇基本上我同里奧大人請假都無問題嘅又唔係請好耐 4 日之嘛 ~

今次再住番 Marriott 完全係有一種好熟悉嘅感覺我唔知係咪因為已經第 3 次入住啦但我覺得呢間 Apartment 真係比到一種好 warm 嘅感覺比我唔似一個旅客住酒店冷冰冰嘅感覺而係好似番鄉下住番自己屋企咁樣但其實我都無番過鄉下但我唔知點形容果份親切感呀哈哈 ~

@ Lobby

@ 27/F 今次仍然加錢住 1 Bedroom Suite

今次美中不足係由原本嘅 Tuk Tuk 改咗為 Motor Car 仲要半個鐘先一班車之前係 call 車家嘛一 call 就有車咁方便好多呢不過咁其實唔落雨又無嘢拎嘅話行去 Phrom Phong BTS 站都只係 12 分鐘行得快嘅人應該唔駛 10 分鐘添呀依家 Sukhumvit 區多咗好多車呀好多時都塞車所以真係行去 BTS 站仲着數哈 ~