雜丸米粉 ( 31-MAR-2017 )

( 31-MAR-2017  FRI )

尋晚祈禱完就瞓覺   可能個人放鬆哂   所以一覺瞓天光呀   感恩感恩 ~

好肯定我側瞓無郁過   因為起身嘅時候   我隻手有啲痺呀 ~

應該作乜乜   今朝無咩胃口添 ~



菇場唔太忙呀   比我抖多日啦   聽日應該有長命 Report 做了 ~

Lunch Time 唔餓   出面又落雨   咁 1 點先食麥皮   食到開工都未食完   真係唔係咁鍾意食咁囉   哈哈哈哈 ~

仍然 Hea 過   可以準時放工 ~

今日真係好感恩   我去超市買出前一丁 辛辣麵 辣肉腸同甜筒都做特價   勁開心呀   等咗好耐㗎喇 ~

買完番屋企   拖埋地就開始餓   原來已經 7 點幾   本來又諗住煮吞拿魚螺絲粉   但等唔到呀   所以煮雜太米粉   順便清哂包雜丸   以前覺得雪藏嘢擺冰格無咩問題   但擺得耐   雖然無壞   但口感係有啲唔同㗎   硬身咗啲咁囉   所以今晚食埋哂啲丸就最開心呢   但好鬼飽 ~

煲埋雪梨薏米水就沖涼   差唔多 8 點半搞掂   咁啱里奧大人番嚟   佢話唔飲   咁由佢啦   費事一陣又話夜晚去廁所又賴我 ~

佢沖完涼   9 點 10 分就瞓   咁鬼早瞓   唔通呢兩晚瞓得唔好 ?!   但無理由吖   佢應該有好實在嘅感覺喎 ~

我就睇下電視   10 點 40 分都瞓喇   天氣凍凍哋   個人好想瞓呢 ~   

炸魚皮 + 印尼撈麵 ( 30-MAR-2017 )

( 30-MAR-2017  THU )

尋晚瞓到半夜熱醒   好在開咗風扇之後就好快瞓得番 ~

早餐食腿蛋治   心情唔太好   真係覺得咩都唔好食   哈哈 ~



菇場唔忙呀   又無哂大粒喺度   勁爽 ~

Lunch Time 出去萬寧行下   再買多 2 Pack 威化餅比里奧大人   買埋麵包就番菇場喇 ~

食咗吞拿魚包都覺得好飽   之得唔買個雞尾包啦   要留番陣慢慢咬 ~

仍然 Hea 過   咁都好   留力今晚做家務 ~

放工即走   番到屋企熨 2 機衫   熨完都 7 點幾   咁沖埋涼就煮嘢食喇 ~

本來諗住煮吞拿魚螺絲粉   但記起前晚食剩大半包炸魚皮   咁要食埋去喇   再煮多個印尼撈麵   勁好味   哈哈 ~

開埋機洗衫就休息喇   之後家姐打嚟傾偈   傾完又再同冰姑傾偈 ~    

明明話 11 點瞓   傾傾下又 11 點 40 分先瞓   哈哈 ~          

住家飯 @ 姑奶屋企 ( 29-MAR-2017 )

芝麻斑 ~ 我覺得好細條   無咩肉咁   但都好味    



唔知咩排骨   但用金沙骨整   之後姑奶話煮我最鍾意食排骨   我好大反應話我無講過話鍾意食排骨喎   佢煮每餐餸   我都只話我 OK   煮咩無所謂咋噃      



菜心 ~ 煮好又唔蓋住   隻貓又周圍走   所以我食最底嗰部份   都費事講咁多嘢      



蕃茄薯仔魚湯 - 今次好在無腥   里奧大人幫我倒湯嘅時候   大聲話蕃茄薯仔魚湯   我都無理佢   唔係想要我抱頭痛哭跪地勁感動呀嘛 ?!   老臨我唔做㗎   同埋我夠知係蕃茄魚湯啦   睇到有蕃茄家嘛   唔通西洋菜湯咩 ?!   大佬   姑奶煲魚湯比我飲   我好感激   我仍知佢鍚我   但你哋唔好日日講啦   咁我家姐夠對我好啦   我唔會日日提㗎

( 29-MAR-2017  WED )

今朝里奧大人 6 點鬧鐘響   因為佢無熄到   之後 7 點姑奶打嚟問今晚係咪番去食飯   里奧大人都語氣唔好咁話佢   做咩咁早打嚟 ?!   又話佢無睇 Whatsapp 咩 ?!   姑奶話見到 Whatsapp 話今早上大陸   里奧大人話係尋日㗎   我心諗   妳駛唔駛咁 Q 早打嚟問呀 ?!   要晨早 7 點預備呀 ?!   之前試過話我哋 whatsapp 約佢飲茶   里奧大人咪話邊到有呀   係咪睇錯第個呀   佢係都話有   里奧大人即刻話妳係咪睇咗 1 年前嘅 Whatsapp 呀 ?!

我家姐就算有嘢搵我   佢點都等到 8 點後   仲會喺 Whatsapp Say Hi 先㗎   知我有反應就會打嚟囉   佢驚我可能無番工   唔想嘈住我㗎   我唔明點解佢啲屋企人真係好很鍾意晨早打嚟   妳起身妳事  妳要諗下人哋起身未囉   唔好咁自私   等如我夜晚 12 點瞓   我有嘢搵妳   都唔會打比妳啦   頂 ~

呢幾日又來潮濕天氣   好在今朝唔係好攰 ~

早餐食芝腿治   依家 8 卦同家姐都聽我講得多   奶茶要少奶   佢地依家都係咁   初初佢哋唔慣仲話好苦   依家覺得 OK 呀   家姐嗰時成日要茶走   我話好甜   同埋我又唔會攪啲練奶   咁其實叫茶走都無用啦   哈哈   依家家姐話奶茶少奶無咁滯   但佢同 8 卦會落糖   我就無落糖   其實都飲咗十幾廿年奶茶唔加糖   所以都好習慣 lu ~



菇場唔忙呀   難得無西瓜效應   勁開心   呵呵呵 ~

Lunch Time 出去買酸辣米線   依家要中辣   不過又覺得辣   但叫小辣佢哋又唔酸唔辣   咁點好呢   唉 ~

放工去商場等里奧大人   佢 6 點 45 分放工   之後一齊去姑奶屋企喇 ~

我食完就番屋企   里奧大人就喺姑奶屋企瞓   咁佢送埋我打的   順便去買嘢 ~

依家佢鍾意點就點 lu   嗰下係激氣   但後尾又無問題   總知唔想成日諗啲無謂人 ~

好感恩每當我好唔開心嘅時候   家姐 mimi 同冰姑一定喺我身邊支持鼓勵   不過就係煩到佢哋囉   咁夜仲要聽我呻   又要擔心我   哈哈 ~

沖埋涼就休息   之後同冰姑傾到差唔多 12 點   辛苦佢喇   哈哈   不過我都要瞓喇   聽日又要番工   唔係就可以繼續傾   呵呵 ~        

蒜蓉蒸脆肉瓜 + 煎蝦卷 (外賣) + 炸魚皮 (外賣) ( 28-MAR-2017 )

( 28-MAR-2017  TUE )

今朝里奧大人上大陸   但佢無熄到平時電話鬧鐘   即係 7 點 10 分又響   咁我原來又無熄到手機   但好奇怪   我明明熄咗㗎喎   咁無熄機個鬧鐘會 7 點 25 分響   之後就到我本身鬧鐘響   真係人都顛   個幾鐘頭內聽 4 次鬧鐘聲   所以頂唔順   瞓到 7 點 45 分先起身 ~

好在起身又唔係攰   唔係顛都似   哈哈 ~

家姐又問我食咩   我叫佢估   佢估唔到我食腿蛋治   佢話好少聽我食腿蛋治   知我唔係咁鍾意食蛋   我都話口味轉哂啦   係得里奧大人唔知之嘛   衰 ~



菇場忙咗陣   又可以抖下   爽 ~

Lunch Time 出去超市買餅乾比里奧大人   成日叫佢差唔多食哂就話我知   我就會等到有特價就入貨   但佢次次都係食完先話我知無餅乾   咁佢放工又夜   真係要有啲餅乾頂下肚家嘛   所以買定 2 Pack   等佢食完再有得即刻 Refill ~

唔知係咪緊張得滯   個人無啦啦好餓呀   定係因為已經 1 點呢 ?!

其實一個人食   預咗攝位坐   咁我都 OK 㗎   但今次叫我坐張 6 人枱   但係已經坐緊 7 個人   見到都迫啦   痴痴哋   所以我走啦   之後佢話坐另一張枱   仍都係 6 人枱   但坐咗 4 個人   咁就 OK 囉   有啲空間嘛 ~



食嘢嘅時候無除件褸   所以食完就超勁熱   但最慘係除完又無地方擺囉   厚褸係比較麻煩呢 ~

菇場仍然唔忙   咁就啱喇   今日無咩 Mood 做嘢   哈哈 ~

放工去街市買餸   番到屋企就可以抖下   因為里奧大人無咁早番   我又唔餓 ~

里奧大人話 8 點 15 分左右番到屋企   咁我 7 點半都開始煮嘢喇 ~

是日晚餐 - 蒜蓉蒸脆肉瓜 + 煎蝦卷 (外賣) + 炸魚皮 (外賣) 

蒜蓉蒸脆肉瓜 - $6/份有 3 條   超抵   所以即買 ~ 

煎蝦卷 (外賣) - 今晚炒麵   又唔想叉燒炒麵   所以買蝦卷啦   感覺有 1 樣餸咁   哈哈 ~

炸魚皮 (外賣) - 無啦啦勁想食   但食剩大半包   咁留番去啦   放入雪櫃   第晚食都會好脆 ~

搞掂哂都 9 點幾   即沖涼喇 ~

今晚攰呀   11 點唔夠都瞓   但里奧大人就繼續睇書   果然好鍾意睇書 ~     

臘潤腸炒菜心 + 叉燒炒飯 ( 27-MAR-2017 )

( 27-MAR-2017  MON )

嘩   今朝好好陽光呀   但尋晚瞓到半夜就熱醒啦   即刻扯番張珊瑚絨被出嚟   當堂無咁熱   哈哈 ~

早餐食芝腿治   之後再嘆報紙   爽 ~



菇場唔太忙   整埋個 Report 就可以抖 lu ~

Lunch Time 去一田買嘢   之後去 7 仔買嘢食   再買埋麵包比里奧大人   番到菇場已經 1 點 20 分   要急食呀   下次行超市都係買包食算喇   唔想咁趕 ~

清淨園有機粟米茶 ($28.9/盒) / 清淨園有機大麥茶 ($28.9/盒) - 好似幾唔錯咁   所以買黎試下

 
Napolina 薄餅皮 2 件裝 ($15) - 想焗 Pizza 好耐   但又唔係咁想買現成 Pizza   呢個只係薄底又好喎   得閒再買埋辣肉腸同芝士   咁就可以整 Pizza 喇

三祖小麥班戟粉 ($18.9) - 試咗覺得口感都煙韌   所以即買一包喇  

 


仍然 Hea 等放工   咁又同冰姑傾下偈   傾傾下又喊   唉   我估我真係仲未放得低   希望自己唔會有情緒病   哈哈 ~

放工就即番屋企   浸好菜就拖地   難得乾爽天氣   開埋機洗衫就等里奧大人放工喇 ~ 

今晚里奧大人成 7 點半先放工   好在唔餓咋   但就要快手囉   因為要炒嘢   哈哈 ~      

是日晚餐 - 臘潤腸炒菜心 + 叉燒炒飯 

臘潤腸炒菜心 - 唔想菜心咁悶嘛   咁淥熟啲菜   再煎香臘潤腸   加埋菜心一齊兜兩兜就搞掂 ~

叉燒炒飯 - 懶人首選   里奧大人又鍾意食   不過我覺得今次炒得好乾   好難吞咁呀   哈哈 ~

搞掂哂就即沖涼   里奧大人話我做咩成日洗拖鞋   我話炒完嘢嘛   驚有啲油彈咗落拖鞋   同埋果對係廚房拖   唔會着出廳呢 ~

今晚好攰呀   睇多陣電視   10 點半都瞓喇 ~

燻蹄 (外賣) + 菜心 ( 26-MAR-2017 )

( 26-MAR-2017  SUN )

今朝 10 點起身   個頭有啲痛   里奧大人話我尋日 BBQ 死都唔着件風褸   肯定冷親喎   因為佢尋日摸我隻手嘅時候   話我隻手係好凍   即刻拎番件褸比我着   佢應該都知我唔想件褸吸味   所以凍都唔着呢   哈哈 ~

刷埋牙沖埋涼就出發喇   食埋早餐就番教會 ~



番到教會即刻食粒 Panadol   試過有次痛咗成日   最後夜晚都頂唔順要食粒 Panadol   自此之後   我一有頭痛會即食粒 Panadol 囉   唔想痛苦成日   哈哈 ~

今次聽道又有得着   我哋信神   唔係只求安穩生活   而係將神嘅愛傳揚出去   好多人包括我自己   初信主嘅時候   真係只求安穩生活   以為樣樣都係順利   但我好感恩係   由信主嗰一刻   我真係滿有平安喜樂   咁當然唔如意嘅事係一定有發生   好記得有年要做手術添   但我居然唔驚   只係驚種豆   要是以前   喊死都似   同埋好多事   神真係大大加力比我   當我承受唔到嘅時候   神就會有一個好好嘅安排   到依家都係咁   神要我地信服 等待   我係做到的 ~

崇拜完畢就去買燻蹄同菜   之後即番屋企喇 ~

里奧大人叫我瞓覺   咩都唔好做   我話唔眼瞓   好難瞓到喎 ~

咁反正唔眼瞓就開機洗衫   再熨埋 2 機衫   真係好唔鍾意推住啲嘢   成日記住要做仲煩 ~

上次喺大家樂食咗件好味嘅厚多士   所以我話今日要再食呀   3 點就落去食 tea   食完又番屋企 lu ~





電視無嘢好睇   咁我睇書啦   睇咗 10 頁就有啲眼瞓   4 點半瞓到 5 點 15 分   之後好番好多喇   所以要預備煮晚餐喇 ~   

是日懶餐 - 燻蹄 (外賣) + 菜心

燻蹄 (外賣) - 今朝個人有啲唔舒服   但又唔想出街食   所以買燻蹄呢 ~

菜心 - 本來買 1 斤   阿姐話買 2 斤啦   咁我是但啦   之後仲送埋蔥   咁又幾好喎   依家唔係度度買菜送蔥㗎喇   唉 ~

難得唔潮濕   所以再洗多機衫   搞掂哂再抖半個鐘   差唔多 8 點 50 分就去徑步   徑咗 20 分鐘就番屋企   因為條街好凍呀   哈哈 ~

沖埋涼抖陣又食埋個沙律   終於食哂   又清埋樽脆煙肉碎   解脫喇   哈哈哈哈 ~



睇多陣電視   11 點幾都瞓 lu ~

BBQ @ 咖啡灣 + MIMI 屋企 ( 25-MAR-2017 )

開始起爐喇   里奧大人好認真咁揀炭呢        

 

佢地參考咗上次尼泊爾人嘅起爐方法   再加上阿 mi 上網睇嘅起爐方法   所以好快搞掂   

今次加 2 粒炭精   最搞笑有啲炭精碎跌咗落張櫈度   嚇到以為有一隻隻嘢   



各司其職   個個都好忙 (除咗我)   哈哈哈哈   里奧大人上次話   如果再 BBQ 就要帶定啲枱布   咁就唔駛怕啲櫈污糟   算佢都幾上心啲細節嘢   哈哈         



同類人阿 mi 又係勁細心   上次燒完嘢食已經話要淘個大箱   咁可以放哂啲袋入去   無咁易比人偷   同埋放埋啲褸入去   咁就唔駛吸哂啲味       



今次預少咗食物   寧願唔飽就夜晚再食多餐   因為上次預太多喇   阿 mi 打後要食 3 餐先清得哂   真係好怕佢食到驚   哈哈哈哈     

話少   其實都唔少   



我覺得肉類份量啱啱好   



阿 mi 整嘅泰汁同蒜蓉   

我負責將食物放喺櫈   之後再諗住幫阿 mi 手啦   點知佢已經搞掂哂   唔怪得阿喂成日話我扮嘢話幫手啦   大佬   又唔知佢老婆幾咁快手喎   哈哈   佢快手嘅情度   係我完全無見過佢拎嘢出嚟   但再望嘅時候   佢已經擺好哂啲嘢囉 



阿 mi 搞掂哂就幫手起爐   事實我真係無咩幫手   哈哈   多謝佢哋咁錫我 33

用心噴火槍   哈哈哈哈  



里奧大人話火槍好玩   無情火   火無情呀大人    

噴多幾噴就好大火了    



原來可以租帳篷   好似 $200/5 小時   感恩我哋燒咁耐都無落雨呢 

好好火呀   開始燒嘢食喇   阿喂話好餓呢



阿 mi 不停係咁快手反啲玫瑰腸同蝦卷   唔係就好快燶㗎喇   因為太好火了     



妳影我影妳   一齊影相最開心  

好味    

生果盤   阿 mi 話買咗血橙   好味呀  



今次我要求阿 mi 整酸啲嘅泰汁   好好味呀   我蘸哂成碗呀      



個火咁靚   就咁燒豬扒就嘥哂   所以之後即燒埋其他嘢   哈哈



就咁睇好似好乾身   但其實唔 "鞋"

咁樣剪就大家易食啲   上次我喺鯉魚門買豬肉乾   佢哋真係剪到咁大塊比人試食㗎  

大扇貝同魚   



呢啲海鮮類   一定要阿 mi 負責燒   唔係就會嘥料   呵呵



又係勁好味道   睇見又想食了 



阿 mi 又特登買牛仔骨比我同里奧大人   但只買一塊   我覺得絕對夠囉   上次佢買咗每人一塊牛扒比我哋   食完都飽飽哋咁呀   反正自己夾   我覺得樣樣少少就最好   始終紅肉好滯咁呢 

阿 mi 話今次係紅鮪



阿喂唔鍾意呢啲口感   話有啲鞋   阿 mi 即指住我   話我最鍾意食鞋嘅魚   哈哈   今次真係好味喎   又係睇見都想食   哈哈      



今次有 100 Plus   所以阿 mi 話要直接燒蜆   哈哈 

脹卜卜又 Juicy   正   



繼續由主廚鍾 mimi 負責海鮮類   



一隻放哂入口   無比幸福   哈哈哈哈  



係時候要食番啲蔬菜類喇   有羊角豆同南瓜   中間果盒係蠔   最搞笑阿喂叫我估係咩來   但唔夠 2 秒就話係蠔   咁問我做咩喎



雖然羊角豆有種滑潺潺嘅口感   但我完全接受到喎   因為係健康食物嘛   阿喂就話唔好食   個皮咬唔開   見佢食到個樣好痛苦咁   但我成條咬到喎   佢勁似里奧大人   唔鍾意食就話依樣嗰樣   呵呵



我都鍾意食蠔㗎   不過我唔識揀   所以唔敢買囉  

金沙骨   我將有骨嘅放喺最猛火位置   咁阿 mi 一見到   就好似話點解放到咁 ?!   佢以為係阿喂放定啦   哈哈   之後里奧大人勁開心指住我   話係我放㗎 (佢心諗抵死比人鬧)   但阿 mi 知係我放就無再話喎   哈哈哈哈   原來阿 mi 話咁樣放係唔平均   有啲快熟有啲未熟咁唔得呢   因為有啲都好厚肉嘛   所以我都成日話我唔識煮嘢㗎啦

我同里奧大人講話好有心機燒噃   佢竟然答我 : 用心燒麵包   哈哈哈哈   聽得我哋講 "用心" 多呀呢



加埋牛油同蜜糖   真係好味道呀   連阿喂都話好味   因為阿喂唔係咁鍾意 BBQ 食麵包   上次我哋都有燒   佢都無食啦   勁唔比臉

呢個漢堡餐包好味呀   外脆內軟   如果我住阿 mi 附近就好啦   可以成日一齊去買嘢食   好味嘅嘢又可以即刻 Share   如果家姐再住埋附近   我就發達喇   成日可以開大食會了   哈哈

必食蕃薯   我覺得影到右手邊隻蕃薯   好似隻豬仔月餅咁   哈哈    

我今次連皮食添呀   因為我知道阿 mi 擦得好乾淨   唔係唔會咁食囉   哈哈      

南瓜又係好味喎   燒嘢食真係要食啲蔬菜中和下   無咁滯        

烤魷魚   加埋燒汁超級正呀   好在阿 mi 有烤魷魚呢個好提議   呵呵       



我唔知雞翼熟未嘛   咁我叫阿奧問阿 mi    阿 mi 話問識煮嘢嗰個啦   衰奧勁大反應話   就係識煮嗰個問妳熟未啊呀   依家隻衰奧   下下串到行

椰菜 + 唐芹   熱辣辣好味呀   但男士們話飽喎   

( 25-MAR-2017  SAT )

今朝其實可以瞓到 10 點   但我瞓到 8 點幾都醒咗   但里奧大人未醒   咁就等佢瞓啦 ~

9 點左右佢就醒咗   第一時間望街   睇下有無落雨   哈哈 ~

無落雨就勁開心啦   即 Line 阿 mi   話佢知我哋醒咗   可以如期燒嘢食喇   勁開心 ~

我特登請咗半日假   因為想多啲時間見面傾下偈   但其實今次 BBQ 都真係要睇天氣而定   要是落雨就轉為飲茶 + 打邊爐   所以阿 mi 話等到 10 點   再睇天氣就知道 B 唔 B 到喇   感恩我哋可以如期 BBQ 到呢 ~

里奧大人話有啲餓   咁去麥記 Share 食一個早餐   食完即番屋企沖涼   搞掂哂都好似 11 點半   要出發喇 ~



今次勁呀   我哋自己去阿 mi 屋企   不過就要阿喂 Whatsapp 寫低點行   好在里奧大人都跟阿喂行過一次   咁佢都有啲印象   同埋全程直擊報導   去到一個地方就影比阿喂睇   佢話 OK 就繼續行   勁有探險 Feel   哈哈 ~

去到阿 mi 屋企   阿 mi 已經好忙咁執緊 BBQ 食物同用品   我覺得勁有旅行 Feel 咁呀   哈哈   不過原來都好多嘢執下   見阿 mi 寫哂成張紙   咁下次我地可以早啲上去幫手   但衰喂話我唔搞亂已經好幫忙   哈哈 ~

搞掂哂就 Call 車去咖啡灣   我同阿 mi 傾緊偈   傾傾下阿 mi 叫我望下前面   原來落緊毛毛雨呀   好在仲未到咖啡灣   咩都唔講   即急切祈禱呀   感謝神保守   去到已停雨呢   感恩感恩 ~

去到已經 1 點   阿 mi 先搞笑   一去到個場   好開心話無人呀   咁代表我地可以揀位坐嘛   呵呵   咁我同里奧大人講話   阿 mi 一去到個場話無人   佢以為係驚無人去   因為啲人擔心會落雨   哈哈 ~

咁今次好快起好個爐啦   阿喂話因為好靜   所以好快搞掂   里奧大人就好認真諗緊點解話好靜 ?!   係咪因為個場無人 ?!   我話阿喂話好靜嘅意思   係話緊我無喺度嘈嘈閉   又無阻住哂佢呀   因為佢成日話我講嘢好大聲   哈哈 ~

阿 mi 今次又特登買咗 6 罐 100 Plus 比里奧大人   真心感激佢   因為 6 罐已經好重   再加埋其他食物就更加重   同埋佢成日記住里奧大人要清熱氣   呢下堅滾動呢   33 ~

最搞笑阿喂居然唔記得拎 5 支樽裝茶   所以阿 mi 只可以飲 100 Plus 同啤酒   但佢就一定會留番 100 Plus 比里奧大人   所以迫佢咁早飲啤酒   哈哈 ~   

天陰陰   



其實同阿 mi 咁多次飯聚   我依家啲飲食習慣都唔同咗   會鍾意逐樣上慢慢嚟   唔夠再叫   以前我唔係㗎   鍾意一枱嘢都係食物呢   食唔哂就由佢   依家唔會咁 lu ~   

食下燒下又傾下   之後傾傾下開始有啲凍   仲有啲眼瞓咁   唔知係咪 B 氣攻心呢   哈哈 ~

咁 5 點半都走人喇   又係 Call 車番阿 mi 屋企 ~

沙灘無人了   

等車嘅時候有啲毛毛雨   之後又無 lu ~

咁我哋又傾偈啦   之後聽到後面架車 "砵" 咗好耐   我勁驚以為我哋車尾箱開咗   但又唔係   原來有條顛佬揸住架 7 人車喺咁片來片去   仲同另一架 7 人車鬥車   左 Cut 右 Cut 咁   最後就特登喺架 7 人車面前慢行   正賤人   之後見佢又飛向前面左穿右插咁   睇住佢喺兩架車中間片過   完全唔係行行車線   真係賤到無人有 ~           

  
番到阿 mi 屋企都係 6 點左右   阿 mi 阿喂就抹嘢   我同里奧大人就坐梳化睇電視   勁嘆   哈哈 ~

之後阿喂居然走去沖涼洗頭   大佬   咁樣我又好想沖涼洗頭㗎喇   不過我覺得佢應該仲係咁唔舒服   所以要沖涼醒醒神   我都有啲後悔今日 BBQ   因為我唔醒起佢之前咳   應該等佢多啲時間休息   好番哂先 BBQ 呢 ~

7 點唔夠又開局   今次玩大細先   又係每人做莊 20 舖   但今次我輸   哈哈 ~ 

 
玩到差唔多 9 點   阿喂有啲餓   咁阿 mi 就煮湯丸喇 ~

阿 mi 太飽所以無食   咁阿喂食 6 粒   我食 2 粒   里奧大人食 4 粒

阿 mi 見我成日眼濛   又比咗 2 排眼藥水比我   多謝多謝



食完就轉玩鋤大 D   我覺得玩鋤 D   輸得無大細咁多 ~   

今晚好唔在狀態呀   都唔知做咩鬼   人地出蛇   我就出 Pair   好驚囉 ~

又唔記比錢阿喂   呢下慘啲啦   好嘢唔會諗我嘛   實以為我呃佢錢啦   哈哈 ~

之後衰喂仲笑住串我   問我係咪覺得多牌就贏呀 ?!   笑到我同里奧大人肚痛呀   哈哈哈哈 ~

今晚堅邪   我話玩大細會輸好多   可以一舖賠清光   但玩鋤 D 就唔會輸咁多   3 炒最多陪 $12,000   唔會炒幾舖呀嘛 ?!   點知我玩大細已經輸咗 2 萬幾   玩鋤 D 就炒咗 3 舖   13 隻 12 隻同 10 隻咁炒   真係派錢派到手軟   慘 ~

咁阿 mi 去洗手間   阿喂話玩埋最後 5 手   咁無問題啦   佢都好攰   最衰我啦   揀今日 BBQ   唉 ~   

好喇   玩完即計數   我話今晚輸剩 $12,000   咁阿 mi 話都 OK 啦   輸萬幾   我話係輸剩萬幾啊   之後佢好驚訝話下   笑死我   聽漏一個字   意思差好遠呢   哈哈哈哈 ~

個個要數好耐   我就好快數哂   哈哈

 

阿 mi 今晚又比咗包魷魚同喉糖比我   真係又食又拎   多謝哂笠笠



話咁快就 10 點 45 分   咁 call 車番屋企喇   今晚我哋自己落樓搭車   因為阿喂頭先又沖咗涼   我唔想佢又落街咁   同埋我哋都要試下點行囉   但次次佢哋帶我哋走   都係掛住傾偈跟住行囉   衰奧仲特登指另一邊方向叫我行   我話佢呃人囉   行咗咁多次   我點都有啲印象嘅 ~         

番到屋企沖埋涼   都差唔多 12 點瞓呢 ~