姑奶屋企 @ 大埔 ( 30-SEP-2017 )

炸雞翼 - 今次整得好好味呀   我食咗 3 隻    



手撕雞 - 用老干媽辣雞油整㗎   又係好味道  

炸春卷



唔知咩骨   我無食呀   因為太大嚿了



焗薯 - 有啲仲未熟嘅  



肉醬 / 白汁螺絲粉 - 都好味呀   


焗豬扒飯 - 我無食呀   因為上次食過啲飯好腍   最驚呢   



蘋果沙律



( 30-SEP-2017  SAT )

今朝同家姐食早餐   開心開心   好似見完無耐又見咁   哈哈 ~





一路食一路傾   好快又話要番工 lu ~

菇場唔忙   好在西瓜唔喺度   佢成日行來行去㗎   麻鬼煩   哈哈 ~

無啦啦落好大雨呀   仲係咁行雷   又係假期黎先咁嘅天氣 ~

又 12 點幾先有嘢做   不過真係做唔哂   所以留番星期二先一次過做哂呢 ~

放工即走   約咗里奧大人喺鑽石山地鐵站   之後一齊去尖沙咀   因為我好想去食星林居米線呀 ~

今日咁熱仲食米線   一陣仲行街添   所以都係札頭髮食米線   唔係一陣成頭汗都似 ~

我嘅豬潤 魚腐酸辣米線 (中辣) - 我覺得好辣呀   哈哈   但好正呢     



里奧大人嘅紫菜 豬腩肉酸辣米線 (小辣) - 佢要普通酸   但我同佢都覺得好酸   同埋無辣味



食完就周圍行陣   好耐無行老尖咁   但其實我唔係咁鍾意行老尖 ~

去 Cross 睇下   點知佢哋派爆谷   勁開心啦   有得食   因為頭先好辣   想食番啲甜嘢 ~ 

我話睇完先食嘛   但聽見啲職員叫啲人入嚟睇啦   一路食住爆谷一路睇 ~

我一路行一路話好開心   今日食到酸辣米線同爆谷   里奧大人話有得食就最開心呢   我話都要食自己鍾意食嘅嘢先開心㗎喎   哈哈 ~   

 有啲係苦苦哋   不過我照食啦   因為里奧大人知我為食   特登比埋佢個杯我食呢 

去海港城行下   但行行下好眼瞓呀   所以我話去 KFC 飲咖啡 ~

咁我哋坐 4 人枱嘛   有個男仔已經坐喺度   件褸擺喺佢隔離張櫈度   咁里奧大人坐佢對面   將個袋放咗喺個男仔件衫上面   嚇死我咩   我話人哋件衫擺喺度㗎   之後嚇到里奧大人唔好意思   因為佢睇唔到件衫   到我拎嘢埋位   個男人見隔離枱個人走咗   佢搬過去坐   但其實仲有一個男人坐喺度囉   不過佢係都要比張枱我哋   我哋話唔駛啦   講咗兩次   佢係都要搬   真係第一次見到咁嘅暖男   衰奧話個男仔想靜   唔想聽到我把聲呀 ~

凍咖啡掂喎   無茶餐廳咁濃   正   



雪糕窩夫 - 里奧大人話 $19 抵喎   買嚟試下   唔想就咁飲咖啡



食完就坐巴士入大埔喇   咁里奧大人話佢坐車會瞓覺   我話我唔會瞓㗎   鍾意睇風景   同埋會睇下有咩站   第時知道可以喺邊度搭車   但其實我去到旺角都瞓鬼咗   之後去到沙田   我就向前中咗一下   當堂醒哂啦   仲要比里奧大人見到   之後佢好串咁話   頭先有人話上車唔瞓覺   睇風景  哈哈   我都覺得自己勁樣衰 ~

咁行下一田啦   行完都已經 6 點半   要去搭小巴喇 ~

好鍾意呢頂防曬帽   但要三百幾蚊囉   不過我頭太大   帶完之後箍住個頭好辛苦   所以一定唔會買 lu 



今晚 7 點半開飯   食下傾下   2 姑奶又話我瘦咗   但之後又加多句靚咗   上次又係咁講   所以里奧大人即刻話   瘦咗就靚喇   超 ~

9 點都要走喇   里奧大人趕住番屋企覆 Email   要打的番屋企呀   咁順便叫埋姑奶一齊走呢 ~

10 點唔夠番到屋企   即沖涼喇   差唔多 12 點左右都瞓 lu ~

住家飯 @ 姑奶屋企 ( 29-SEP-2017 )

蒸爐魚 - 好味呀   啖啖肉   其實呢餐餸   得條魚最啱我胃口   哈哈    



豆豉鯪魚炒油麥菜



叉燒 (外賣)



蕃茄薯仔魚湯 - 用微波爐再叮熱   但都係微微地暖   不過我無再叮熱啦   反正都係飲一碗



( 29-SEP-2017 FRI )

今朝鬧鐘未響都醒咗   不過照懶床   等到鬧鐘響先起身 ~

我 Lunch 食包   所以早餐食丁米餐   咁呢間嘅五香肉丁係辣架   8 卦唔食得辣   但我都照比咗半碗丁米比佢   我食唔哂嘛   之後佢個樣好慘咁同我講   妳下次真係唔好比我   我唔想朝早食咁刺激嘢   哈哈 ~



菇場忙咗陣呀   搞掂哂就可以 Hea ~

Lunch Time 食麵包 + 綠寶石   我好鍾意食有咬口嘅麵包㗎   加上呢個包又鹹鹹香香   真係好鬼正   阿墨見我食包   問我夠唔夠飽 ?!   我話夠啦   朝早食咗米粉餐   其實中午都唔係咁餓添呀 ~

仍然 Hea 到放工   爽呀 ~

放工去 APM 行下   順便去 MUJI 買零食比家姐   問佢要唔要棉花糖 ?!  佢話唔要   但唔夠 2 秒就問係咩棉花糖   哈哈   笑死我   我話妳都唔要   問嚟做咩 ?!   我其實同佢真係一樣   里奧大人又係問我要唔要 ?!   我話唔要但轉頭又會去睇係咩咁   所以里奧大人成日話我係精神分裂   哈哈 ~



里奧大人 6 點半放工   Join 埋佢一齊去姑奶屋企食飯喇 ~

食完又傾下偈   8 點半都走人喇   里奧大人攰呀   話打的番屋企呢 ~

沖埋涼就開機洗衫   睇多陣電視   11 點唔夠都瞓喇   其實我都好攰   哈哈 ~

CEO Neway @ 九龍灣 ( 28-SEP-2017 )

甜品區   仲有雀巢雪糕杯   正呀 



熱葷區 

沙律區  



打邊爐區  



素食區



燒烤區  





拎咗呢啲   



鮑魚同扇貝都好韌呀   好在我牙力夠   哈哈   



台灣腸好味道  



估唔到蒜蓉包都好香蒜蓉味噃   正   



希靈魚刺身   但好腥   



家姐要三文魚腩刺身



一人邊爐   家姐好鍾意食鮮冬菇㗎   依家到我都好鍾意食呢

我淥咗好多金菇呀   



芝士蛋糕好難食



我最鍾意有獨立洗手間 

可以由 6pm 唱到 5am   依家將 Nuts 變咗 2 包細薯片   咁仲好啦   衛生好多囉

家姐同糟糟唱韓文   最正係有拼音   但最搞笑差唔多唱完   糟糟話都唔知首歌 up 乜   笑死我哋   咁妳又唱咁耐 ?! 

( 28-SEP-2017  THU )

諗起今日可以去玩   興奮到瞓得麻麻地添 ~

早餐食芝腿治   但真係無咩胃口   本來想打包   不過最後都食埋去啦   咁比咗一半火腿同麵包比 8 卦食   我唔駛咁飽 ~



11 點 50 分先黎忙   仲要係煩嘢   勁驚做唔切呀 ~

真係做到 12 點 28 分先搞掂   去埋廁所   12 點半即衝出門口   因為約咗糟糟喺附近接我   驚佢停唔到車呀   所以我一定要快過佢到囉 ~

估唔到同佢同步到   所以我要跳上車呀 ~

咁我哋用手機 Apps 拎定飛   勁緊張囉   好在家姐趕得切咋   佢話前所未有行得咁快   佢本身已經行得好快   不過佢唔覺   依家佢咁講   我相信佢真係行得好快好快呢 ~

家姐想同我去 Simply Lift 食好耐㗎喇   差唔多佢每食一次   都會話下次同我去食   但成日都超級多人   所以要食嘅話   最好搵人去等位先   上次大食同佢地食啦   大食 12 點 15 分到   都等咗 45 分鐘呀   所以我好感恩   今次家姐去到就有位呢 ~

餐湯 - 唔記得係咩湯   有啲酸酸哋   同埋有啲好似黎麥之類嘅嘢   飲一碗都飽飽哋      

我唔係麵包控   但我好鍾意食呢種麵包嘅口感   所以我都買咗半條   留番聽日做 Lunch     



前菜 - 沙律   材料好新鮮呀   



煎鰽魚 炒雜菜 烤薯 芥未籽汁 - 個汁好味呀   糟糟話條魚無泥味   即刻驚一驚   有泥味就慘喇   因為我唔食㗎

煎得好靚



茄汁辣肉腸手製闊條麵 - 好濃味   不過份量唔多囉   



車打芝士煙肉牛肉漢堡 - 家姐鍾意食㗎   薯條好味道   我就最鍾意食條酸青瓜   佢哋 O 哂咀   哈哈   我話食完好消滯㗎



我叫呢啲做生牛肉



餐茶 - 凍西柚茶



食物好味道   但環境就好鬼嘈囉   可能樓底矮啦   好在張枱好細   圍埋一齊傾偈都好方便   實聽到   哈哈 ~

家姐同糟糟傾公司嘢   之後未傾完   糟糟又無啦啦講以前一齊做果間公司嘅笑話   家姐話人哋都未傾完   妳哋無啦啦自己傾都有嘅   笑死我哋   因為家姐個樣好慘   但我哋覺得佢個慘樣好搞笑 ~

食完就去買麵包   之後家姐去番工喇   咁我同糟糟就行陣商場先   一齊行 Apita 勁開心呀   因為無咩人   估唔到 Apita 啲急凍食物又唔貴   可惜我哋唔係直接番屋企   唔係一定掃貨呀 ~

行埋誠品就去蓋車飛   點知要 $350 單一收據先得   頭先 Lunch 食咗 $336   買麵包買咗 $62   都係喺 Simply Life 之嘛   但又唔可以夾單   激死   之得一早問定幾錢先可以 Free Parking 啦 ~

今日主要目的係去果欄   原來去到都已經 3 點幾   行一個圈先   睇有咩嘢好買   其實已經鎖定買水晶梨同無花果呢 ~

曬到呢

    

糟糟買咗 8 個西班牙紅橙   咁我又買呀   上次阿笠買過比我食   我覺得好甜好味道呀   所以我都買咗 16 個   之後再去買日本水晶梨   家姐買 3 箱 (1 箱有 12 個)   我同糟糟就 Share 一箱   咁順便將啲橙放埋落檔口度   轉頭再嚟拎 ~

我再買咗 4 個蘋果芒同 8 個綠寶石   糟糟就買咗 3 個泰國芒   之後家姐打黎話再買多 1 箱水晶梨   我同糟糟都 O 哂咀   佢真係買嚟派街坊同同事   自己只係要得 2 個   話中秋節開心喎 ~

呢啲芒果係喺泰國食嘅芒果   糟糟買咗 3 個   



日本鳥取水晶梨 ($280 / 12 個) - 即開箱睇   第 1 箱唔靚呀   所以即開另 1 箱   



之後 Check 下個梨底   好在糟糟幫手 Check 咋

喺果欄逗留咗 40 分鐘左右   我哋只係成條街行一次   之後買完水晶梨再兜一個圈咋   已經熱到成身汗   我啲汗喺直頭喺塊臉度滴緊落嚟   整到對眼好澀添呀   流汗程度勁過行山   哈哈 ~

差唔多 4 點買完   糟糟話我拎車定佢拎車 ?!   我話架車妳㗎   梗係妳拎車啦   黐咗呀 ?!

我唔知果欄職員會幫手推車仔上車嘛   我勁驚要我哋拎住 6 箱行去拎車囉 



咁車我番屋企放低啲生果   但我要抹乾先得   所以又要啲時間 ~

蘋果芒 4 個 ($50)  / 紅橙 8 個 ($50) 



綠寶石 8 個 ($50)

糟糟話家姐叫佢幫工人手   分兩轉拎水晶梨番屋企   我話家姐一定唔會比我拎咁重嘢㗎   呵呵 ~

我哋去到村口就同工人交收   好在姐夫揸車出嚟咋   唔係就要工人同糟糟走兩轉咯 ~ 

搞掂哂就去糟糟屋企放低啲生果喇   沿途塞車呀   所以今日啲時間真係過得好快   哈哈 ~

咁佢工人要放狗   所以順便拎埋啲生果番屋企   搞掂哂都 5 點半   同我放工時間一樣   咁家姐 5 點 20 分聽完嘢   我哋即刻打的去 mega BOX   去到都 6 點 lu ~

入房無耐   家姐都到喇 ~

Lunch 嘅時候   家姐話佢同事請佢食蝴蝶酥   但佢麻麻哋   我話我好中意食㗎   估唔到佢又拎比我   因為我諗住佢請埋同事食呢 



咁我同家姐出去拎嘢食   我帶佢行啦   我話行咁遠   拎定多啲嘢食   唔駛行來行去 ~

之後家姐同糟糟出去拎邊爐嘢食   我又話想食   咁家姐帶我去啦   話原來好近㗎咋阿妹   行一條巷仔就到自助餐區㗎喇   咁點解頭先我兜咗個大圈㗎   哈哈哈哈   之後家姐話佢同糟糟講話阿妹帶佢行咗好耐先到   糟糟反白眼再長嘆氣一下呀   哈哈   衰 ~

咁家姐同糟糟唱男女合唱歌   家姐話唱第 1 個   糟糟話第 1 個即係咩 ?!   即係男定女 ?!   笑死我   其實因為好多歌都好耐無唱   唔知男定女唱先呢   所以家姐話唱第 1 個囉   呵呵 ~

叫糟糟點越難越愛啦   咁點咗國語就即 Cut 啦   點知 Cut 咗又重唱   如是者 3 次   我哋咪話糟糟妳按咗咩呀   係停唱唔係重唱呀   佢話無按呀   之後佢放低 Remote 啦   首歌又彈出來   加加埋埋彈咗成 6 次呀   黐鬼咗線   不過最慘係糟糟啦   比我哋鬧   哈哈哈哈 ~

我哋唱到 11 點   之後各自搭的士番屋企喇   但我就同家姐搭一架的士 ~

里奧大人今晚番香港喇   咁明明同司機講話喺落馬洲落車   但無啦啦去咗皇崗   搞到里奧大人要喺上水食晚餐   如果喺落馬洲坐直通巴番嚟   會快好多嘛 ~

我一入屋   里奧大人就出嚟   仲着白色衫   真係比佢嚇一嚇囉   我好大反應話出嚟做乜鬼呀 ?!   佢喺度笑   話我黐線 ~

沖埋涼都差唔多 12 點   抖多陣都瞓喇 ~