豆腐又係好味道 感恩我無胃痛咋
我都幾鍾意食南瓜芋頭煲 但食咗幾件已經好飽肚 哈哈
酸菜腐竹好味呀
感恩我又一覺瞓到 9 點 里奧大人就慘啲 佢應該 1 點後先瞓囉 咁我問佢做咩咁夜瞓 ?! 因為我瞓瞓下聽到有人大叫大喊 原來係義不容情劇情 仲問佢係咪覺得好睇 ?! 之後佢話驚我食咗藥仲未退燒要再食呀 所以點眼瞓都唔敢瞓住呀 慘 ~
一出去就見到老闆娘 佢摸完我都話應該無燒喇 ~
我地房間望出去係咁嘅
我一定唔坐出面 肯定係吸煙區
我真係無咩胃口 里奧大人話知我唔舒服架喇 因為佢話見我只行兩轉 平時起碼七八轉喎 其實我直頭唔想食早餐添啦 不過我唔食 里奧大人又唔食 我怕佢餓囉 ~
Ivy 一聽見我發燒就即來睇睇我 勁感動 不過佢真係成日好關心我㗎 之前我無番教會 咁有咩活動 佢都會通知我 想我一齊參加呢 ~
佢仲記得我2月26日生日 我同里奧大人都好愕然 因為我喺親人面前就會成日講 但其他人面前好少講嘛 ~
之後佢話比我地知 7 點幾收到 whatsapp 話蔡弟兄今朝喺屋企暈咗 送院後要急救 依家情況仍然危險 聽完之後勁唔開心啦 但無嘢可以做到 只能為佢急切祈禱 ~
我食咗一小碗粥 想暖暖身
再食茶葉蛋 + 2 條腸仔 飽哂
里奧大人真係好鍾意食炒飯
房間都大 同埋都乾淨 但酒店開咗暖氣 所以好焗囉 個個都要開窗瞓覺
11 點出發去勁家莊 導遊昌仔講嘢真係幾搞笑 講咗好多關於惠州嘅嘢 又講啲帶團嘅笑話 答啱仲有獎品添呀 哈哈 ~
我答啱咗問題 所以送一個迷你口琴比我 哈哈 之後其實全團人都有呢 大家開心開心
其實我都好攰 所以我聽聽下都瞓着咗 ~
12 點 15 分左右去到飯店 我地 23 人 分開 3 圍枱 每枱 8 個人 咁我地小組 14 人嘛 無可能一張枱 所以尋晚抽定號碼坐邊枱 哈哈 ~
餐廳環境唔錯
東江清燉雞宴
焗魚腸
酸菜魚好味道 可能無咩胃口 想食啲酸嘢
豆腐勁好味 好滑同埋好香豆味
全煲幾乎都係梅菜
娃娃菜好甜
食到唔知幾點添 總知人行我又行 差唔多 2 點到勁家莊 ~
@ 勁家莊
里奧大人去洗手間 又影下相
入去影院睇何家勁電視作品
之後入正題 介紹佢公司嘅產品
走人
齊齊去參觀廠房
行呀行
有人開工
有蛋糕試食呀 依家里奧大人見到有試食嘅地方 就一定會同我影相 証據確鑿話我為食 哈哈
我好鍾意睇生產線㗎 可惜盤點唔開工啦
搞笑 里奧大人想影咩呢 ?!
我地個個去試飲 里奧大人就影相 哈哈
咖啡好味道 所以叫里奧大人買 2 pack 番公司飲
周圍睇下 產品款式唔多
我覺得呢個辣辣地好味道 所以即刻哂所有姊妹黎試食 哈哈
Ivy 買咗 2 盒 我又買 1 盒試下
我買咗 RMB418 無諗過會駛到錢呢 所以里奧大人話我已經無唔舒服 因為有心情買嘢呢
洗手間
門後面都有哂廣告 哈哈
3 點左右出發去步行街 但有啲塞車 所以 4 點先去到 ~
周圍行下
有路就行 哈哈
野豬 @@
白兔 @@ 其實佢地係咪食到無嘢好食呢 ?!?! 真心覺得人類真係好恐怖
梅菜係惠州特產
所以我地齊齊買梅菜 又超級平喎
行到唔知邊
我地好似行咗入民區
出番嚟喇
紅燈
綠燈
齊齊去西湖影張大合照 我地去每一個地方都影一張相留念 勁開心呀
差唔多 4 點 45 分就去完洗手間 我一出嚟見佢哋神情好嚴肅 問佢哋咩事 ?! 原來蔡弟兄走咗 真係好唔開心囉 點解神要帶走一個咁忠心嘅僕人 佢係慕道我同里奧大人㗎 之後上佢教嘅主日學 番得好開心 同埋佢真係好好人 次次見親我都會問候我同里奧大人 對上一次佢教主日學仲精精神神 依家咁突然走咗 我地成團人都好唔開心囉 嗚嗚 ~
5 點集合 坐車去飯店 去到都 6 點半 食到 7 點半就去羅湖番香港喇 ~
我覺得餐廳環境好老土 哈哈
話咁快 3日 2 夜行程又完畢 但我地個個已經超級期待下次嘅短遊喇
我地全部一齊搭火車再轉地鐵 番到屋企都 10 點半了 ~
今次去呢個小旅行真係超級開心 同個個弟兄姊妹都好好傾 大家了解多咗 因為喺教會真係無咩時間坐埋一堆傾計 雖然齊齊番小組 但有時唔係齊哂人嘛 所以真係好難得咁齊人 好期待下次再一齊去個小旅行呀 ~
沖埋涼再開機洗衫 12 點幾先瞓呀 臨瞓前再探熱 好在 38 度幾 即係無發燒 咁肯定里奧大人今晚無覺好瞓 ~
2 包黑芝麻五谷粉 & 2 包香濃咖啡五谷粉
藍莓紫薯五谷粉
大麥若葉粉 1 盒 買滿任何貨品滿 RMB200 就送 1 盒細 我買咗 RMB408 所以有 2 盒
黃色嘅甜甜圈係送㗎
呢包梅菜只係 RMB30
2018 年最後嘅一日係好開心 同時仍係好唔開心嘅一日 ~
盼望每一年 每一倨人都平安喜樂渡過每一天 Amen ~
