麻辣牛肚絲 + 麻辣手拍青瓜 + 涼抹大豆芽 (外賣) ( 30-APR-2018 )

( 30-APR-2018  MON )

番埋今日   聽日又五一勞動節放假   真係爽呢 ~

早餐食腿蛋治   星期一食飽啲 ~



菇場忙   但點都要抽時間 Pack File   因為阿爽同我講話老闆嘈喇   要我快啲 Pack File   咁阿爽見我 Pack 嘢   佢都入嚟幫手   不過我話唔駛喇   我自己搞掂   佢都係好人一個   即係做嘢嘅人呢 ~

原來已經 Pack 到 12 點 40 分   好在我望一望大廳咋   見無哂人就知 Lunch Time 咯 ~

咁我即去買牛什河番菇場食   最緊要快   其實唔餓   但唔想等   因為好攰 ~



我將間房嘅冷氣開到 18 度   咁一陣 Pack 嘢就無咁熱 ~   

又繼續 Pack Pack Pack   終於 4 點半搞掂   今日高妹 Last Day   所以請食下午茶   咁又好喎   補充番啲體力   哈哈 ~

唔好講笑   可能間房冷氣太大   出廳之後覺得好熱   同埋喉嚨就非常之乾涸囉 ~

放工即走   去鮮粉人家買外賣番屋企 ~

其實好鬼攰   但習慣星期一拖地同抹嘢   所以點都做埋去囉   唔係會心掛掛 ~

搞掂哂就開機洗衫   之後就抖喇 ~

里奧大人 9 點放工   我都預備煮上海麵 lu ~

是日懶餐 - 麻辣牛肚絲 + 麻辣手拍青瓜 + 涼抹大豆芽 (外賣)  

麻辣牛肚絲 ($38) - 我要加辣   所以我同里奧大人都覺得好辣   哈哈 ~

麻辣手拍青瓜 ($18) / 涼抹大豆芽 ($18) - 兩樣嘅味道都 OK 喎 ~

洗埋碗都成 10 碟   要即沖涼休息喇   今日體力勞動   好鬼攰呢 ~

睇下電視又打下機   12 點先瞓 ~

煎韭菜水餃 + 齋滷味 (外賣) + 菜心 ( 29-APR-2018 )

( 29-APR-2018 SUN )

慘啦   尋晚同里奧大人去咗 3 次放水   啲湯果真好利尿喎   好在起身又唔係話好攰咋 ~

諗住去太興食早餐   不過要等位   所以即轉場去麻酸樂喇 ~

我地坐一邊卡位   咁對面兩公婆一坐低   叫埋嘢食就老公坐定定等早餐   個老婆就睇下手機   咁到我地食完   佢哋全程係無講過嘢   氣氛緊張   哈哈   一出餐廳就問里奧大人覺唔覺 ?!   佢話佢哋勁啦   完全零交流呀   哈哈 ~

好耐無黎食啦   估唔到啲通粉份量少咗 1/3





今朝食完早餐要早啲番教會   因為有事奉在身 ~

崇拜完畢就坐 14 再轉 14S 去將軍澳華人永遠墳場 ~

一見到爸爸媽咪張相   啲眼淚真係好難控制   缺堤咁呀   喊到我死死下   嗚嗚嗚嗚 ~

2 點半坐車走人   又搭番 14S 落油塘 ~

枯葉  



行前少少   啲葉又好青綠 

今日好熱   我又喊咗輪   我問里奧大人係咪會好快餓 ?!    但望望個手機   原來都已經 3 點了   咁去 Food Court 睇有咩好食 ~

紅燒牛肉麵 ($38) / 台灣肉燥鹽酥雞大碗飯 ($36)  / +$6 忌廉   估唔到樣樣食物都 ok 喎 



好攰呀   里奧大人就瞓咗陣   我又唔想瞓囉   上 Youtube 睇嘢 ~

里奧大人 5 點左右起身   咁要即飲湯喇   唔想半夜又係咁放水呢 ~

我終於頂唔順   6 點 15 分瞓到 6 點 45 分   起身勁精神   所以同里奧大人講話好驚今晚瞓唔着呀 ~

是日晚餐 - 煎韭菜水餃 + 齋滷味 (外賣) + 菜心  

煎韭菜水餃 - 唔想兩餐都淥餃子   所以一半就煎   一半就淥   費事一陣里奧大人熱氣呀   估唔到煎餃子係咁簡單   落多啲油就好煎啲囉   無咁易燶同黐底   最煩只係啲油彈到周圍都係   抹餐死啫   哈哈 ~

齋滷味 (外賣) - 想食好耐啦   上次去 Taste 唔記得買   今次一定要買喇   哈哈 ~

菜心 - 呢度半斤菜   上星期五晚買架   想快啲清埋去囉 ~

洗埋碗就沖涼   之後休息喇 ~

睇多陣電視   我差唔多 12 點先瞓到呀 ~

韭菜水餃 + 老黃瓜乾螺頭豬骨湯 ( 28-APR-2018 )

里奧大人蘸餃子汁再加泰國辣椒粉   估唔到勁好味







( 28-APR-2018  SAT )

今朝好快搞掂   所以有好多時間食早餐呢 ~



菇場忙   但唔想做住呀   想整旅行啲相 ~

放工即走   去埋街市買豬肉就番屋企 lu ~

2 點半去食下午茶   今日係媽咪死忌   所以我食食下喺度喊   嚇死里奧大人   因為明明講緊笑   佢成日話我情緒波動好大   咁我都承認   同埋我依家失去咗嘅係媽咪喎   點可能無傷痛喎 ~

同里奧大人講話等我開門先   佢話開咩嘢門 ?!   我話奶醬多好似對門咁   哈哈 



唉   洗煲跌爛咗個蓋   咁拿拿聲拎住個煲蓋去配啦   個 Staff 好好人幫我度 Size   但都係驚有出入   話拎個煲落黎好啲   咁我番屋企再拎個煲啦   原來要買 20cm   初初諗住買 22cm 咋   好在聽個 Staff 話咋   感恩感恩 ~

5 點左右諗住榨西瓜汁   之前仲剩咗一半嘅西瓜   所以我放入冰格雪凍   咁我拎出嚟諗住切碎   但係劈都劈唔開   之後問里奧大人點算好 ?!   佢話解凍先嘛   咁樣根本劈唔開   哈哈 ~

解凍完都即榨汁   但點搞都唔會變汁   正想掉咗去   再望一望咁似西瓜沙冰嘅 ?!   所以我同里奧大人講   如果大家都肚屙   應該係杯沙冰問題   哈哈 ~



6 點左右飲湯   去濕利尿一定要早飲   唔係夜晚成日去廁所 ~

今晚就咁淥餃子   實在太方便喇   哈哈 ~

包咗 4x隻   今晚食一半就夠了   



用濃湯寶做湯底   再加啲芹菜粒



是日晚餐 - 韭菜水餃 + 老黃瓜乾螺頭豬骨湯  

韭菜水餃 - 材料係 1 斤韭菜 + 水餃皮 ($6) + 水展 ($20) + 免治豬肉 ($20)   賣韭菜阿姐話 1 斤韭菜加廿蚊瘦肉就最好   咁我記住啦   但我買咗廿蚊水展   覺得份量唔夠喎   先醒起廿蚊水展同廿蚊瘦肉嘅分別   我應該係記住豬肉單位唔係價錢呢   人生第一次包哂啲水餃皮   簡直係所有嘅材料份量係啱啱好   我仲已經上網搵家食剩水餃皮嘅食譜添呀   依家唔駛用 lu   但衰在啲餡好 "鞋"   我已經落咗麻油囉   下次真係要落番啲油會好啲 ~   

老黃瓜乾螺頭豬骨湯 - 係時候又去濕   其實想清哂啲乾螺頭同埋眉豆扁豆   不過應該仲要煲多 3 次先清得哂 ~

洗埋碗都 9 點半   同里奧大人去徑步   其實我好攰   但見佢太耐無徑步   咁陪下佢啦   反正今晚徑步實有汗出   因為好鬼熱呀   哈哈 ~

徑大半個鐘就番屋企   即開機洗衫   之後沖涼喇 ~

等里奧大人沖完涼   就 "北" 杯雪糕比佢食   等佢 Relax 下 ~

睇多陣電視   12 點都瞓覺 lu ~

米線陣 @ 官塘 ( 27-APR-2018 )

( 27-APR-2018  FRI )

今朝里奧大人又要上大陸   我同佢講話驚個鬧鐘唔響   所以叫佢 7 點半打比我   咁我可以安心瞓覺   哈哈 ~

果然真係記得 7 點半打比我   之後到我鬧鐘響   所以我鬧鐘聲一定要柔和嘅音樂   咁起碼唔會嚇醒嘛 ~

早餐又食吞拿魚治   真係好好味呀 ~



菇場忙下停下   但電腦成日上唔到網   咁我叫 8 卦幫我磁碟重組   之後佢仲叫我更新埋   估唔到資源回收筒有 26G 垃圾 ~

好怕更新嘢   因為電腦實拖到慢哂 ~

咁今日出去食 Lunch 啦   等到電腦慢慢更新   唔好搞佢   哈哈 ~

終於 3 點半先更新完   之後即刻做嘢喇   好在好快搞掂 ~

放工去街市買煲湯料   咁聽日放工番到屋企   就可以即刻煲湯 ~

番到屋企都 6 點半   即開機洗衫   之後等埋里奧大人番香港先一齊食飯 ~

抖到 8 點幾出去拎淘寶   里奧大人又話想去米線陣   咁喺米線陣等啦   反正差唔多時候到 ~

食完就番屋企   沖埋涼就休息   11 點 10 分都瞓喇 ~

永發廚房 @ 九龍灣 ( 26-APR-2018 )

惹味椒鹽豬扒飯 ($48) - 好失望啦   椒鹽無咩味   同埋唔好食  好似食緊無味嘅炸蒜咁

豉椒排骨炒麵 ($48) - 啲麵好脆   但個汁好鬼鹹   頂唔順要叫杯凍鹹檸七飲囉



( 26-APR-2018  THU )

感恩一覺瞓天光   食咗中藥真係好瞓咗咁喎   等我再試多一排先   哈哈 ~

早餐食吞拿魚治   我好鍾意食㗎   但唔係間間茶記都有囉 ~

菇場忙   但唔想做   可能大粒唔喺度   真係無 Mood 做嘢咁 ~

Lunch Time 去買咖哩魚蛋烏冬   慢慢 Hea 住食   食完就啱啱夠時間開工 ~

無啦啦又有 Urgent 嘢   好在好快搞掂 ~

臨放工打比里奧大人   點知打錯咗比家姐   我都奇怪   點解係女人聲   里奧大人係 Direct Line 家嘛   之後再聽到把聲好似自己咁   以為自己 "喂" 有回音   但其實我無開聲㗎喎   之後家姐再喂多一下   我先知打錯比家姐   哈哈 ~

家姐以為我特登打比佢㗎   話佢知我開 OT   因為平時我係咁嘛   其實已經唔係第一次打錯比家姐公司㗎喇   好多時我都係搵家姐多嘛   好少搵里奧大人呢 ~

傾完電話就走人   去淘大等里奧大人放工 ~

周圍行陣又買咗條 One Piece   我覺得好似好耐無買過衫咁   但去淘寶睇又唔多啱心水喎 ~

買完就去書局睇下   里奧大人 7 點放工   我都走人 lu ~

里奧大人話食烏冬   我話唔想呀   因為我 Lunch 食咗烏冬   之後話試間新嘢   咁我即去攞位 lu ~

食埋嘢就即番教會聽嘢   上星期無番   所以今星期一定要番呀 ~

9 點 45 分散會   即搭車番屋企喇 ~

沖埋涼再睇陣電視   11 點即瞓喇   今晚大家都好攰呢 ~

米線陣 @ 官塘 ( 25-APR-2018 )

( 25-APR-2018  WED )

尋晚試咗鬧鑼   第 1 次唔響   但第 2 次又響喎   所以都係校埋手機鬧鐘就穩陣啲喇   呵呵 ~

基本上如果里奧大人喺大陸   我朝早就好快搞掂出門口   但邪到呢   今朝無啦啦勁勁勁塞車囉 ~

未落車都叫 8 卦幫我落 Order   我一坐低就有得食   最估唔到係我坐低嘅時候   8 卦幫我搞杯咖啡喎   呢下動作又幾窩心   當堂唔覺得佢係乸型喇   哈哈哈哈 ~



問佢食咗咩   條友答 "食完"   爛到不能再爛啦   頂佢   但我都叫佢食完走先   唔想累佢遲到   但好搞笑囉   今朝又係 8 點 59 分番到菇場 ~

仍然忙啦   阿怪真係唔掂   好在我堅持唔改咋   唔係比佢累死我   一早講咗我唔會改價錢家嘛   之後佢無耐又走埋嚟   叫我唔好改價錢   妳好醒呀   我心諗: 妳都痴痴哋 ~

Lunch Time 出去買車仔麵   順便幫阿齋買燒賣魚蛋   佢勁開心啦   唔駛出去買就有得食   哈哈 ~



仍然忙   話咁快就放工 ~

番到屋企就即刻熨 2 機衫   再熨埋張被   差唔多 1 個鐘搞掂哂   估唔到咁快   哈哈 ~

今晚里奧大人 6 點喺工廠走人   應該可以同我食喇啩   但要等到佢去到上水   再睇時間先決定呢 ~

佢話大約 9 點就到官塘   咁無問題啦   今日我食車仔 Lunch   都唔會咁快餓 ~

9 點去到米線陣   今次真係唔會食個套餐 lu   實在太飽喇   同埋咁夜食   都唔好咁飽呢 ~

食完即番屋企   沖埋涼就休息 ~

里奧大人做咗陣公司嘢   之後就沖涼   11 點都瞓   我就要等埋部手機 Update 軟件   11 點半搞掂都即瞓 lu ~

泡菜鵝肝炒飯 ( 24-APR-2018 )

( 24-APR-2018  TUE )

里奧大人今朝上大陸   佢出門口之後   我都繼續瞓 ~

之後醒咗一醒   但諗住等鬧鐘響先醒啦   所以繼續懶床   但都知瞓唔到㗎喇   咁望個鐘   原來係 8 點 05 分呀   嚇到爆肺呀   即彈起身刷牙沖涼   15 分鐘內出門口 ~

好在 8 卦幫我叫定早餐   快快食埋   番到菇場都係 8 點 59 分   呵呵 ~



菇場勁忙   我要清哂啲煩嘢先   之後再繼續清另一堆 ~

頂佢   無啦啦又擺兩份嘢比我   我記得明明寫咗啲嘢嘛   奇怪點解無寫 ~

Lunch Time 出去買牛什河   買完番黎都差唔多 1 點   咁就好喇   呢啲時間啱啱肚餓   呵呵 ~

仍然忙   所以好快就放工 lu ~

睇完中醫先番屋企   又係一幫我把脈   見到我手掌就話好黃   話嚴重貧血喎   佢話食得牛肉   但我話驚燥   佢話牛肉湯唔燥喎   咁我話飲紅棗水呢 ?!   佢話 OK   咁好似紅棗水好啲   話哂平過牛肉好多啦   哈哈 ~

番到屋企都 6 點半   係時候煮嘢食喇   今晚里奧大人喺大陸過夜   我可以早啲食喇 ~

是日晚餐 - 泡菜鵝肝炒飯

泡菜鵝肝炒飯 - 終於清埋 1 碗冷飯 + 1 罐鵝肝 + 少少泡菜同粟米喇   次次食飯都好飽   食到一半要抖陣囉   不過今次係我衰啦   無落水煲飯   咁之後熟咗嘅飯   我覺得啲口感好怪    係熟但口感係生咁囉   好難解釋   哈哈 ~

洗埋碗抖陣   8 點唔夠徑步啦   食到咁飽   就算落毛毛雨都要徑呀 ~

徑完就番屋企開機洗衫   之後就沖涼喇 ~

上 Youtube 睇嘢   睇到 11 點 15 分都好攰喇   要瞓 lu ~

咖哩魷魚魚蛋 ( 23-APR-2018 )

( 23-APR-2018  MON )

感恩尋晚都瞓得唔錯   今朝起身無難度呢   呵呵 ~

早餐食奶醬多   好想食甜嘢呢 ~

菇場超級忙   做極唔完咁噃 ~

Lunch Time 出去買包比里奧大人做早餐   之後再買魚皮餃米番菇場慢慢嘆 ~

仍然忙呀   所以話咁快放工 ~

番到屋企都預備煮晚餐   之後再拖地抹嘢 ~

又唔餓   所以 7 點幾飲碗隔夜湯先   等埋里奧大人一齊食   咁抖陣就去徑步   徑半個鐘就番屋企   沖埋涼就等里奧大人放工喇 ~

唔落肉煲湯   個湯真係好清   但都好夠味㗎



臨走前諗住開電飯煲撥鬆啲飯   點知原來我無落水就按制呀   好在唔餓咋   哈哈哈哈 ~

佢番到屋企都 9 點半   我都有啲餓喇 ~

是日懶餐 - 咖哩魷魚魚蛋  

咖哩魷魚魚蛋 - 魷魚 $23   我覺得好貴   但真係好想食囉   魚蛋 $10 有 5 兩   呢個其實小食之嘛   咁都要 $ 33   好在依家唔大食咋   慳番唔少   嘻嘻 ~

洗埋碗抖陣就食榴槤   里奧大人話尋晚食完都有啲熱氣喇   但我話食唔到咁多   佢又幫手食 2 粒 ~

佢 11 點都瞓喇   我就差唔多 12 點先瞓   唔想食完咁快瞓呀 ~

XO 醬炒腸粉 + 青紅蘿蔔粟米乾螺頭湯 ( 22-APR-2018 )

( 22-APR-2018  SUN )

里奧大人尋日話番早堂   鬧鐘響咗又話番午堂   已經第 2 次咁   其實倒不如索性番午堂   唔駛又翻瞓嘛 ~

10 點起身   沖埋涼就出發食早餐喇 ~



崇拜完畢就去超市買榴槤   咁我哋叫阿姐揀嘛   佢話都無咩邊個熟   之後里奧大人話唔熟就唔要 lu   阿姐即刻揀   呢啲服務態度真係好好   一話走就即刻揀比妳   哈哈 ~

叫里奧大人拎榴槤番屋企先   我就去街市買餸 ~

番到屋企都已經 2 點半   又要沖涼呀   行完街市好鬼熱   哈哈 ~

里奧大人就睇書   好難得前晚做哂公司嘢   我就上網睇嘢   好快又 4 點   係時候煲湯了 ~

喺街市買咗 1/4 西瓜   只係 $23   仲睇到佢啱啱切開個西瓜咋   感恩感恩   尋日睇到 1 杯西瓜汁要 $30  所以我叫里奧大人唔好飲   我打汁比佢飲好過 



賤奧又講咗啲嘢令我非常之唔開心   搞到我都無咩心機   狗口不出象牙   估唔到佢哋成家都係咁   賤人族 ~

今日無食下午茶   所以 6 點都開飯咯 ~

是日懶餐 - XO 醬炒腸粉 + 青紅蘿蔔粟米乾螺頭湯

XO 醬炒腸粉 - $7/10 條   但我買咗 5 條咋   真係食唔到 10 條咁多   就咁用 XO 醬炒啦   但完全無色水囉   所以明明上碟都要倒番落鑊   再加啲老抽   當堂靚仔哂   哈哈 ~

青紅蘿蔔粟米乾螺頭湯 - 最主要係想食埋啲乾螺頭   今次無落肉   味道都好清甜呀   好味道 ~

洗埋碗都 7 點 15 分   我自己去徑步呀   想靜下 ~

徑半個鐘就番屋企 lu   估唔到都出汗   我覺得今晚又熱又焗呢 ~

沖埋涼就食榴槤   都甜吖   其實依家食唔慣泰榴   不過無計啦   邊有咁多錢食貓山王喎   講緊七百幾蚊一個   咁我寧願去轉大陸小旅行咯 ~

有時見到 1 Pack 得 3 粒嘅榴槤都貴啦   個價錢咪一樣係連殼價   嘥氣

里奧大人食完榴槤即飲 100 Plus   我完全唔記得呢個配搭添   哈哈 ~

睇多陣電視   今晚 11 點幾都瞓 lu ~